ԱրՊՀ -ում շարունակվում է «Իրազեկ ուսանող» ծրագիրը: Բանասիրական ֆակուլտետի առաջին կուրսեցիների հետ հանդիպում ունեցան ԱրՊՀ ՈՒՇՀՀՏԱԳ պրոռեկտոր Վիտյա Յարամիշյանը, ստորաբաժանումների ղեկավարներ, ուսանողական ինքնավար կառույցների ղեկավարներ: Առաջին կուրսեցիները հնարավորություն ստացան բարձրացնել իրենց հուզող հարցերը և լսել սպառիչ պատասխաններ, ծանոթանալ համալսարանական առօրյաին, ստանալ ուսումնական գործընթացի համար անհրաժեշտ տեղեկատվություն։
Ուսանողների, շրջանավարտների և հասարակայնության հետ տարվող աշխատանքների գծով պրոռեկտոր Վիտյա Յարամիշյանը ներկայացրեց ուսանողների իրավունքներին ու պարտականություններին վերաբերող անհրաժեշտ տեղեկատվություն՝ մաղթելով նրանց հագեցած և արդյունավետ ուսումնական տարի և կոչ անելով լինել ակտիվ ու նախաձեռնող։
ԱրՊՀ հանրային կապերի և լրատվության բաժնի պետ Զարինե Սառաջյանը, ՈՒՀՏԱԿ բաժնի պետ Վահե Գալոյանը ուսանողներին ներկայացրին անհրաժեշտ տեղեկատվություն իրենց կողմից կոորդինացվող ստորաբաժանումների վերաբերյալ:
Ուխ նախագահ Մարիամ Պողոսյանը տեղեկատվություն ներկայացրեց համալսարանի պատմության, ուսանողական ինքնավար կառույցների գործունեության մասին՝ ուսանողներին խորհուրդ տալով ներգրավվել ուսանողական կյանքին և կենտրոնանալ ոչ թե գնահատականի, այլ գիտելիք ու կարողություններ ստանալու վրա:
