Սեպտեմբերի 24-ին Արցախի պետական համալսարանի ուսանողական գիտական ընկերության նախաձեռնությամբ առաջին կուրսեցիների միջև կազմակերպվել է միջֆակուլտետային ինտելեկտուալ խաղ՝ «Իրազեկ ուսանող» խորագրով: Խաղին մասնակցել են համալսարանի հինգ ֆակուլտետներից հավաքական թիմեր:
Կազմակերպիչների խոսքով՝ խաղը ուսուցողական և ճանաչողական բնույթի հարցեր էր պարունակում: Հարց-պատասխանների և պնդումների միջոցով ուսանողները ծանոթացել են իրենց իրավունքներին և պարտականություններին:
«Խաղի առանցքային նպատակն էր ամրապնդել առաջին կուրսեցիների գիտելիքները համալսարանի հետ կապված և բարձրացնել նրանց իրազեկվածության մակարդակը»,- նշել է ԱրՊՀ ՈՒԳԸ նախագահ Տաթևիկ Ղահրամանյանը՝ հորդորելով առաջին կուրսեցիներին ակտիվ ներգրավվել համալսարանական կյանքում տեղի ունեցող տարաբնույթ միջոցառումներին:
