Հոկտեմբերի 28-ին տեղի է ունեցել տնտեսագիտության ֆակուլտետի մեծ խորհրդի նիստը, որի ընթացքում դեկան Ռուզաննա Մանգասարյանը ներկայացրել է 2020-2021 ուստարում ֆակուլտետի կատարած աշխատանքի մասին հաշվետվություն: Նիստին ներկա էին ռեկտոր Արմեն Սարգսյանը, պրոռեկտորներ, խորհրդի անդամներ:
Նիստը մեկնարկել է մեկ րոպե լռությամբ՝ ի հիշատակ պատերազմում նահատակված ուսանողների:
«20201-21 ուս. տարին լի էր մարտահրավերներով՝ պայմանավորված չարաբաստիկ պատերազմով: ԱրՊՀ-ն ունեցավ 26-զոհ, որից 3-ը տնտեսագիտության ֆակուլտետի ուսանողներ էին. Արթուր Արմենի Ասրյան (ֆինանսներ 2-րդ կուրս), Գևորգ Արմոյի Առստամյան (զբոսաշրջություն 2-րդ կուրս), Միքայել Մանվելի Առստամյան ( ֆինանսներ 1-ին կուրս)»,-նշել է Ռ. Մանգասարյանը:
Դեկանը ներկայացրել է ֆակուլտետի գործունեությունը՝ անդրադառնալով ուսումնական գործընթացին,գիտահետազոտական աշխատանքներին, կազմակերպչական աշխատանքներին, ուսանողների հետ տարվող բարոյա-հոգեբանական աշխատանքներին:
«Ֆակուլտետում հետևողական աշխատանքներ են իրականացվել ուսումնական գործընթացի բարելավման, գիտահետազոտական գործունեության ընդլայնման, ուսանողական միջոցառումների ակտիվացման ուղղություններով: Աշխատանքներ են տարվել «Տնտեսագիտության ֆակուլտետի ռաազմավարությամբ» նախատեված խնդիրների իրացման համար: Համաձայն որի ֆակուլտետի առաքելությունը աշխատանքի շուկայի պահանջարկին համահունչ, մասնագիտական գիտելիքներով և հմտություններով մրցունակ, համամարդկային արժեքները ճանաչող, գիտելիքահենք տնտեսության կայացմանն աջակցող բակալավրում՝ «Ֆինանսներ /ըստ ոլորտի/»,«Հաշվապահական հաշվառում և հարկում», «Կառավարում», «Զբոսաշրջություն», մագիստրատուրայում՝ «Ֆինանսներ», «Կառավարում» մասնագիտությունների գծով մասնագետների պատրաստումն է»,-նշել է Ռ. Մանգասարյանը:
Նրա խոսքով՝ 2020-2021 ուստարում ֆակուլտետի պրոֆեսորադասախոսական անձնակազմը կատարել է իր պարտականությունները և` ուսումնական, և` գիտական աշխատանքների գծով` ցուցաբերելով անհրաժեշտ աշխատանքային և կատարողական կարգապահություն: Ֆակուլտետի ընդահանուր ծանրաբեռվածությունը կազմել է 16 475 ժամ, որի իրականացման վերահսկողությունը կատարվել է դեկանի և ամբիոնների վարիչների կողմից: Լրացուցիչ պարապմունքների միջոցով դասախոսները լրիվությամբ կատարել են 2020-2021 ուս տարվա իրենց ուսումնական բեռնվածքը: Որպես ֆակուլտետի գործունեության ուժեղ կողմերը դեկան առանձնացրել է արդյունավետ և թափանցիկ վերահսկողական աշխատանքների իրականացումն ու կարգապահության ամրապնդումը, բուհ-գործատու համագործակցության ամրապնդում և այդ ուղղությամբ տարրաբնույթ միջոցառումների իրականացումը, հանրապետության սոցիալ-տնտեսական զարգացման և կրթական համակարգին առնչվող հիմնախնդիրների շուրջ գիտա-հետազոտական աշխատանքների ծավալումը, ներհամալսարանական և արտահամալսարանական գիտա-հետազոտական միջոցառումներին ուսանողների ակտիվ և պատշաճ մակարդակով մասնակցության ապահովումը, ՄԿԾ-ներում ներառված մասնագիտական դասընթացներից ստացված գիտելիքների ամփոփումը գիտական ընթերցումներով, մրցույթներով, խմբային աշխատանքներով:
Դեկանը, խոսելով առաջիկա անելիքներից, կարևորել է դասախոսների կողմից մենագրությունների, ուսումնական ձեռնարկների, հոդվածների տպագրության աճը, էլեկտրոնային դասախոսությունների ժողովածուների պատրաստումը, հանրապետությունից դուրս վերապատրաստման դասընթացների կազմակերպումը, դասավանդման, ուսումնառության և հետազոտության փոխկապակցման ժամանակակից կրթափորձի մշտապես ուսումնասիրությունը ՝ բակալավրի և մագիստրոսի կրթական ծրագրերում կիրառելու նպատակով:
Դեկանի հաշվետվությունը գնահատող ելույթներով հանդես են եկել ԱրՊՀ ուսումնական աշխատանքների գծով պրոռեկտոր Գեորգի Սահակյանը, ֆակուլտետի դասախոսներ՝ բարձր գնահատելով կատարված աշխատանքը:
Հաշվետվությունը գնահատվել է բավարար: Ռեկտոր Արմեն Սարգսյանը շնորհակալություն է հայտնել ֆակուլտետի համակազմին՝ հետպատերազմյան դժվար շրջանում իրականացրած արդյունավետ աշխատանքի համար: