Նոյեմբերի 1-ին Արցախի պետական համալսարանի գիտական գրադարանը համալրվել է նոր գրքերի խմբաքանակով: Նվիրատուն այս անգամ «Ջենեսիս Արմենիա» գիտահետազոտական ուղեղային կենտրոն-հիմնադրամն է:
Դեռևս օգոստոսի 27-ին «Ջենեսիս Արմենիա» գիտահետազոտական ուղեղային կենտրոն-հիմնադրամի ներկայացուցչության ԱրՊՀ այցի ժամանակ հիմնադրամի տնօրեն Աբրահամ Գասպարյանը պատրաստակամություն էր հայտնել համագործակցելու ԱրՊՀ-ի հետ և աջակցելու՝ գիտակրթական տարբեր արդյունավետ ու անհրաժեշտ ծրագրերի իրագործման ուղղությամբ: Այդ համագործակցության առաջին պտուղներն արդեն տեսանելի են բուհում:
Արդիական նշանակություն և պահանջարկ ունեցող ավելի քան 230 միավոր մասնագիտական գրքով համալրվել է ԱրՊՀ գրադարանի գրքային ֆոնդը:
Գրադարանի տնօրեն Հասմիկ Հարությունյանը ԱրՊՀ դասախոսական կազմի և ուսանողության անունից շնորհակալություն է հայտնել «Ջենեսիս Արմենիա» գիտահետազոտական ուղեղային կենտրոն-հիմնադրամին՝ գրադարանը արժեքավոր գրքրեով համալրելու համար:
