Հարգելի՛ Նվեր Ալբերտի
Շնորհավորում եմ Ձեզ Շուշիի տեխնոլոգիական համալսարանի ռեկտոր ընտրվելու կապակցությամբ: Այս բարդ ու դժվար շրջանում որևէ կառույցի ղեկավարի պաշտոն ստանձնելը նախ և առաջ առաքելություն և ծառայություն է մեր հայրենիքին ու ժողովրդին: Համոզված եմ, որ Ձեր անցած ճանապարհը, մարդկային որակներն ու մասնագիտական կարողությունները կնպաստեն Շուշիի տեխնոլոգիական համալսարանի կրթական կյանքը զարգացնելուն, պատերազմի պատճառով կորսված բնականոն ռիթմը վերականգնելուն:
Ուզում եմ հավաստիացնել, որ ԱրՊՀ-ն պատրաստակամ է համագործակցելու ՇՏՀ-ի հետ տարբեր բնագավառներում՝ ի նպաստ մեր երկրում կրթագիտական կյանքի զարգացման և ուսանողների համար բարձրորակ կրթություն ապահովելուն:
Մաղթում եմ Ձեզ արդյունավետ գործունեություն և հաջողություններ՝ ի շահ մեր հայրենիքի զարգացման և կրթագիտական կյանքի որակի շարունակական բարելավման: