Փետրվարի 21-ին Հայաստանի Հանրապետության գիտությունների ազգային ակադեմիայի Հրաչյա Աճառյանի անվան լեզվի իստիտուտի և Գավառի պետական համալսարանի համատեղ նախաձեռնությամբ կազմակերպվել է Մայրենիի օրվան նվիրված միջազգային առցանց համաժողով՝ «Մայրենիի ուսումնասիրության և ուսուցման արդի խնդիրներ» խորագրով:
Համաժողովին մասնակցել են գիտնականներ ու մանկավարժներ աշխարհի մեկ տասնյակից ավելի երկրներից: Արցախի պետական համալսարանից համաժողովին մասնակցել են ԱրՊՀ ռեկտոր Արմեն Սարգսյանը և բանասիրական ֆակուլտետի դեկան, բ.գ.թ., դոցենտ Լուսինե Մարգարյանը: Ողջունելով համաժողովի մասնակիցներին՝ ԱրՊՀ ռեկտորը կարևորել է համաժողովի նշանակությունը և մաղթել արդյունավետ աշխատանք:
Լուսինե Մարգարյանը համաժողովին հանդես է եկել «Արդի լեզվավիճակը և իրականացվող լեզվաքաղաքականությունը Արցախում» թեմայով զեկուցմամբ:
Մասնակիցների խոսքով՝ համաժողովը հնարավորություն է տվել տեղեկանալու տարբեր աշխարհամասերում ու երկրներում առկա լեզվական իրավիճակին, մտքերի փոխանակության և ջանքերը մեկտեղելու, գործակցելու, միասնաբար առաջադրելու և լուծելու մայրենի լեզվին վերաբերող խնդիրներ:
22 Փետրվար 2022
