Փետրվարի 21-ից 25-ը ՀՀ ՈԱԱԿ-ում տեղի է ունեցել «Մասնագիտական կրթական ծրագրերի բարելավման մեխանիզմներ» թեմայով վերապատրաստման ծրագիրը, որը նախատեսված էր մասնագիտական ուսումնական հաստատությունների ՄԿԾ-ների մշակման, բարելավման գործընթացի մասնակիցների համար: Ծրագրի հիմնական նպատակն է նպաստել ՄԿԾ-ների շարունակական բարելավման գործընթացին:
ԱրՊՀ-ից ծրագրին մասնակցել է Որակի ապահովման կենտրոնի վարիչ, բ.գ.թ., դոցենտ Շուշանիկ Սաղյանը, ով, կարևորելով վերապատրաստման ծրագրին մասնակցելու փաստը, նշել է.
«Վերապատրաստման դասընթացը հնարավորություն տվեց ոչ միայն ծանոթանալու ՄԿԾ-ների բարելավման մի շարք գործիքների, այլև դրանք կիրառելու մեխանիզմներին: Կարևորվում է կրթական ծրագրերի վերջնարդյունքների դիտարկումը ինչպես բուհի առաքելության, այնպես էլ ուսանողի առաջընթացի համատեքստում»:
