Բնագիտական ֆակուլտետի մի խումբ ուսանողներ դեռ տարեսկզբին մայրաքաղաքի ավագ դպրոցներում անց են կացրել ինտելեկտուալ խաղ-մրցույթներ։ Ապրիլի 20-ին Արցախի մայր բուհը հյուրընկալել է դպրոցների խաղերում հաղթած թիմերին։ Խաղին մասնակցել է 4 թիմ։ Երեք փուլից բաղկացած խաղի առաջին փուլում ստուգել են աշակերտների տրամաբանությունը, երկրորդ փուլում մասնակիցներին սպասվում էր բնագիտական ալիասը, իսկ երրորդ փուլում հարցերի միջոցով աշակերտների հետ փորձեցին բացահայտել Արցախն իր պատմական վայրերով։
Մրցույթի մասնակից աշակերտները ԱրՊՀ ռեկտոր Արմեն Սարգսյանի կողմից ստացել են գրքեր, թիմերը` շնորհակալագրեր բուհ-դպրոց համագործակցության շրջանակներում տեղի ունեցած խաղերին ակտիվ մասնակցելու համար։
Բուհ-դպրոց համագործակցությունը կունենա շարունակական բնույթ:
21 Ապրիլ 2022
