Մայիսի 5-ին կայացած ԱրՊՀ գիտխորհրդի նիստում որոշում էր կայացվել համալսարանի զարգացման գործում ունեցած մեծ ավանդի համար ԱրՊՀ ՈՒՇՀՀՏԱԳ պրոռեկտոր Վիտյա Յարամիշյանին շնորհել «Ոսկե մեդալ»:
Մայիսի 13-ին, ուսանողական գիտաժողովի փակման արարողության ընթացքում հանդիսավոր պայմաններում ԱրՊՀ ռեկտոր Արմեն Սարգսյանը «Ոսկե մեդալ»-ը հանձնել է Վիտյա Յարամիշյանին:
Վ. Յարամիշյանը շնորհակալություն է հայտնել գիտխորհրդի կազմին և ռեկտորին՝ իր աշխատանքը գնահատելու համար:
«Մարդկային առաքինություններից ամենավեհը հայրենիքին ծառայելն է: Այդ վեհ առաքելությունն իրականացրել են մեր նահատակված տղաները: Ցավն ու համընդհանուր ծանր իրավիճակը հաղթահարելու ելքը շատ աշխատելն է, համախմբվելը հանուն ընդհանուր նպատակի»,- մասնավորապես նշել է Վ. Յարամիշյանը՝ ընդգծելով, որ այդ պարգևը իր, գործընկերների և ուսանողների համատեղ կատարած աշխատանքի գնահատականն է:
13 Մայիս 2022
