ԱրՊՀ հարգելի′ ուսանողներ,

Արցախի պետական համալսարանը Պատարա գյուղի մերձակայքի իր տարածքում կազմակերպում է ուսանողական միջազգային վրանային 10-օրյա ճամբար՝ օգոստոսի 1-10-ը։ Ճամբարի ընթացքում բնության գրկում կապահովվի ուսանողների ակտիվ ժամանցը, ուսանողների միջև կամրապնդվի միջբուհական, մասնագիտական կապը՝ մտքերի փոխանակում, նոր գաղափարների շուրջ քննարկումներ և միասնական ծրագրերի մշակում, իրականացում։ Ծրագրի իրականացման անհրաժեշտություններից է Հայաստան-Արցախ-Սփյուռք եռամիասնության ամրապնդումը՝ այն դարձնելով ազգային գաղափարախոսության առանցք։

Ծրագիրը ներառում է.

Ամենօրյա ուսուցողական դասընթացներ։

Պաշտոնական հանդիպումներ, հրատապ թեմաներով դասախոսություններ։

Ինտելեկտուալ-տրամաբանական խաղեր, բանավեճեր և քննարկումներ։

Սպորտային միջոցառումների կազմակերպում։

Մշակութային միջոցառումներ, համերգային ծրագրեր։

Պատմաճանաչողական այցեր։

Այցելություն զորամաս։

Ազատ ժամանց- երեկոյան խարույկի շուրջ քննարկումներ, ինքնաեռով թեյախմություն։

- Գրանցվել ցանկացողները կարող են մինչև ս.թ. հունիսի 30-ը ներկայանալ ԱրՊՀ ՈՒՀՏԱ և Կ բաժին (վարչական շենք, 3-րդ հարկ)։