Դեկտեմբերի 3-ը նշվում է որպես հաշմանդամություն ունեցող անձանց միջազգային օր։ Հաշմանդամություն ունեցող, ուսուցման առանձնահատուկ պայմանների կարիք ունեցող, ուշադրության պակաս և գերակտիվության համախտանիշ (ՈՒՊԳՀ), աուտիզմ, մտավոր թերզարգացվածություն ունեցող երեխաների հետ աշխատանքի և դաստիարակության առանձնահատկությունների մասին են խոսել Արցախի պետական համալսարանի մանկավարժության և հոգեբանության ամբիոնի դասախոս Ռոզալյա Հարությունյանի նախաձեռնությամբ «Հոգեբանություն» 1-ին և 3-րդ կուրսերի ուսանողների կազմակերպած միջոցառման ընթացքում:
Միջոցառումը բաց դաս-քննարկում էր՝ նվիրված հաշմանդամների միջազգային օրվան: Միջոցառմանը մասնակցել են հոգեբանական կենտրոնը, մանկավարժության և հոգեբանության ամբիոնի վարիչ Էլլադա Բաղդասարյանը, դասախոսներ և ուսանողներ։ Ամբիոնի վարիչը արժևորել է օրվա խորհուրդը, հոգեբանների ներդրումը այդ խնդրի լուծման հարցում և կարևորել նման միջոցառումները։
06 Դեկտեմբեր 2022
