Կկայանա տարեկան ուսանողական գիտաժողով

2023թ. մայիսի 11-12-ը Արցախի պետական համալսարանը կազմակերպում է տարեկան ուսանողական գիտաժողով (միջազգային մասնակցությամբ)։

Գիտաժողովն անցկացվելու է հետևյալ ուղղություններով.

• Պատմական գիտություններ

• Գրականագիտություն

• Լեզվաբանություն

• Լրագրություն

• Մանկավարժություն

• Հոգեբանություն

• Իրավագիտություն

• Կենսաբանություն և քիմիա

• Աշխարհագրություն

• Ֆիզիկա և մաթեմատիկա

• Ինֆորմատիկա և տեղեկատվական տեխնոլոգիաներ

• Տնտեսագիտություն

• Մարմնակրթություն և ռազմական գործ

Գիտաժողովին կարող են մասնակցել բակալավրիատի, մագիստրատուրայի, ասպիրանտուրայի ուսանողներ, երիտասարդ գիտնականներ։

Դիմելու համար անհրաժեշտ է մինչև 2023թ. մարտի 31-ը ուղարկել դիմում-հայտը և զեկուցումը հետևյալ էլեկտրոնային հասցեին՝ artsakh.asu.sss@gmail.com :

Գիտաժողովի աշխատանքային լեզուներն են հայերենը, ռուսերենը, անգլերենը:

Գիտաժողովը տեղի կունենա առկա և հեռավար ձևաչափերով։

Գիտաժողովի կազմկոմիտեի կողմից երաշխավորության արժանացած հոդվածները կտպագրվեն առանձին ժողովածուով:

Հարցերի դեպքում զանգահարել ԱրՊՀ ՈՒԳԸ նախագահ Աշխեն Ասրյանին

(հեռ. ՝ 097-31-25-73) կամ դիմել ԱրՊՀ Ուսանողական գիտական ընկերության ֆեյսբուքյան էջին։

Կից ներկայացվում են գիտաժողովի մասնակցության հայտը և հոդվածների ներկայացման կարգը:

ԱրՊՀ ուսանողական գիտաժողովին ներկայացված գիտական հոդվածների տպագրության համար անհրաժեշտ տեխնիկական պահանջները

1. Հոդվածի սկզբում դրվում է վերնագիրը (թավ, գլխատառերով):

2. Հաջորդ տողում՝ հեղինակի անուն-ազգանունը, ուսումնական հաստատությունը, կրթական ծրագիրն ու ուսուցման տարին:

3. Մեկ տող ներքև՝ գիտական ղեկավարի անուն-ազգանունը, գիտական աստիճանը և կոչումը (10 տառաչափով):

4. Հաջորդ տողում դրվում են հոդվածի լեզվով համառոտագիրն ու բանալի բառերը, այնուհետև հիմնական տեքստը:

5. Հիմնական տեքստի վերջում դրվում է գրականության ցանկը, որից հետո հետո, հոդվածի տեքստի հետ չհամընկնող երկու այլ լեզուներով կրկնվում են հոդվածի գլխամասը (հոդվածի վերնագիր, անուն-ազգանուն, ուսումնական հաստատություն, ուսուցման տարի, գիտական ղեկավարի անուն-ազգանուն, գիտական աստիճան), համառոտագիրն ու բանալի բառերը:

6. Տեքստի լուսանցքները. վերև՝ 25 մմ, ներքև՝ 25 մմ, աջ՝ 25 մմ, ձախ՝ 20 մմ:

7. Հայերեն շարվածքի տառատեսակը՝ Sylfaen,

անգլերեն և ռուսերեն շարվածքի տառատեսակը՝ Times New Roman,

8. Հիմնական տառաչափը՝ 11:

9. Միջտողային հեռավորությունը՝ 1.5:

10. Հղումները տրվում են նույն էջում՝ տողատակում՝ աճման կարգով, տառաչափը՝ 10, նշվում է աղբյուրի հեղինակը(թավ), վերնագիրը, հատորը, հրատարակության տեղը, տարեթիվը (մամուլի դեպքում` նաև համարը) և էջը:

11. Հոդվածը կարող է ներկայացվել հայերեն, անգլերեն կամ ռուսերեն, այն պետք է ունենա մյուս երկու լեզուներով ամփոփում և երեք լեզվով մինչև 10 բանալի բառեր։

12. Աղյուսակները պետք է ունենան վերնագրային բացատրություններ և համարակալում, որոնք տրվում են 9 տառաչափով։ Աղյուսակի մի հատվածը հաջորդ էջ տեղափոխելու դեպքում պարտադիր է սյունակների համալրումը, որը կրկնվում է տեղափոխված աղյուսակի հատվածի գլխամասում:

13. Բանաձևերը և մաթեմատիկական արտահայտությունները տրվում են Microsoft Equation, Italic, 10 տառաչափով: Բանաձևերը ներկայացվում են առանձին տողով և մեջտեղում։

14. Գրագողության դեպքում (плагиат) տվյալ հոդվածը չի ընդունվելու։

Հոդվածների ներկայացման վերջնաժամկետն է մարտի 31-ը։

ՄԱՍՆԱԿՑՈՒԹՅԱՆ ՀԱՅՏ

Հայտը ուղարկել artsakh.asu.sss@gmail.com էլեկտրոնային հասցեին։

20 Փետրվար 2023

Ֆակուլտետները

Ուսանողին

Կապ