Մարտի 21-ին ԱրՊՀ պատմության և իրավագիտության ֆակուլտետի իրավունքի ամբիոնի նախաձեռնությամբ տեղի է ունեցել քրեագիտական կոնֆերանս` նվիրված ՀՀ քրեական և քրեական դատավարության օրենսգրքերում տեղ գտած խնդրահարույց փոփոխություններին, ինչպես նաև ԱՀ֊ում դրանց կիրառման նպատակահարմարությանը։
Կոնֆերանսի նախաձեռնող, իրավունքի ամբիոնի վարիչ, ի.գ.թ. Տաթև Գևորգյանի խոսքով՝ թեման խիստ արդիական է, և նման ձևաչափով միջոցառում առաջին անգամ է կազմակերպվում. նպատակը՝ ուսանողներին գիտելիք փոխանցելն է նաև ոլորտում պրակտիկ գործունեություն ծավալող մասնագետների կողմից։
Զեկուցումներով հանդես են եկել ԱՀ քննչական կոմիտեի տարածքային քննչական վարչության պետի տեղակալ, արդարադատության 2-րդ կարգի խորհրդական Հայկ Իշխանյանը՝ (թեմա՝ «Խափանման միջոցները ըստ ՀՀ նոր քրեական դատավարության»),
ԱՀ Գլխավոր դատախազության հատուկ քննչական բաժնի պետ, արդարադատության 2-րդ դասի խորհրդական Դավիթ Դալլաքյանը (թեմա ՝ «Ապացուցողական գործողությունները Քրեական դատավարությունում»), ԱՀ Գլխավոր դատախազության դատախազ, արդարադատության 3-րդ դասի խորհրդական Լուսինե Սուլեյմանյանը (թեմա՝ «Քրեական հետապնդումը բացառող հանգամանքները ըստ գործող և ՀՀ նոր քրեական դատավարությունների»),
ԱՀ ՆԳՆ ոստիկանության շտաբի պետ, ոստիկանության գնդապետ Արմեն Մովսիսյանը (թեմա ՝ «Պատժի տեսակները ըստ գործող և ՀՀ նոր քրեական օրենսգրքի»), Ստեփանակերտ քաղաքի Ոստիկանության վարչության պետ, ոստիկանության փոխգնդապետ Բորիս Ջալավյանը
(թեմա՝ «ՀՀ նոր քրեական օրենսգրքով նախատեսված պատիժների կատարումը»), ՀՀ Սյունիքի մարզի 1 -ին ատյանի ընդհանուր իրավասության դատարանի դատավոր Վահե
Ջիվանյանը (թեմա՝ «Դատական քննության ընդհանուր պայմանները»):
Զեկուցումներն ուղեկցվել են քննարկումներով և հարց ու պատասխանով։ Ներկա էին «Իրավագիտություն» կրթական ծրագրի ուսանողներ, դասախոսներ։
22 Մարտ 2023
