Արցախի պետական համալսարան
  «Վերլուծական և մտածողական հմտությունների զարգացում»․ հանրային դասընթաց Ս․թ․ փետրվարի 20-ից յուրաքանչյուր երեքշաբթի և չորեքշաբթի ժամը 15:00-ին հրավիրում ենք մասնակցելու «Վերլուծական հմտությունների զարգացում» հանրային դասընթացին, որը կվարի Երևանի պետական համալսարանի միջազգային հարաբերությունների ֆակուլտետի ասպիրանտ, Արցախի կառավարության աշխատակից Էդգար Էլբակյանը։
    «Բանավեճերի և հետազոտությունների նախաձեռնություն» նախագծի շրջանակներում YMCA Արցախը հրավիրում է Ձեզ մասնակցելու «Բանավեճի և հետազոտական հմտությունների զարգացման» դասընթացին, որի ընթացքում Դուք կծանոթանաք բրիտանական պառլամենտի ձևաչափով բանավիճելու արվեստին, կզարգացնեք Ձեր հռետորական արվեստը, հետազոտական հիմունքները, հարցադրումներ կատարելու, փաստարկման և այլ հմտությունները:
  Հետևելով իր ռազմավարությանը և նպատակ ունենալով մեծացնել ինժեներական ուժը ՀՀ շրջաններում՝ «Ինստիգեյթ Մոբայլ» ընկերությունը «Ինստիգեյթ ուսումնական կենտրոն» հիմնադրամի հետ համատեղ հայտարարում է «Համակարգչային ծրագրավորում և ինժեներական պրակտիկա» դասընթացի հերթական ընդունելությունը Ստեփանակերտ քաղաքում։
  ²ñó³ËÇ  å»ï³Ï³Ý ѳٳÉë³ñ³ÝÁ ѳÛï³ñ³ñáõÙ ¿ ÙñóáõÛÃ` Ñ»ï¨Û³É ó÷áõñ ï»Õ»ñÇ Ñ³Ù³ñ
ԱրՊՀ  հոգեբանական  կենտրոնը նոյեմբերի 27-ից մինչև դեկտեմբերի 1-ը (ժամը 14. 00-16.00-ը) կազմակերպում է  պրակտիկ դասընթաց հետևյալ թեմաներով` 1. Առաջին և երկրորդ դասընթաց – Հոգեբանության նախապատմություն, հոգեբանական խորհրդատվություն, դերային խաղեր 2. Երրորդ դասընթաց – Հոգեվերլուծություն (Զիգմունդ Ֆրեյդ), երազների մեկնաբանություն 3. Չորրորդ դասընթաց – Անալիտիկ հոգեբանություն (Կարլ Յունգ) աշխատանք անգիտակցականի հետ 4. Հինգերորդ դասընթաց – Պրակտիկ հմտությունների ձեռքբերում, ընդհանուր աշխատանքի ամփոփում Դասընթացը կվարի ՀՀ ԱՆ պրոբացիայի պետական ծառայության Երևանի երկրորդ բաժնի գլխավոր մասնագետ` Արմինե Ադամյանը: Հոգեբանական պրակտիկ դասընթացին կարող են մասնակցել  կենտրոնի աշխատանքներին ներգրավվածները:
ԱրՊՀ հոգեբանական կենտրոնը 2017թ. նոյեմբերի 6-ից 11-ը «Ապագա» հոգեբանական ծառայության կենտրոնի հետ համատեղ Երևան քաղաքում կազմակերպում է «3-5 տարեկան երեխաների հետ հոգեբանական աշխատանքների» պրակտիկ դասընթաց, որին մասնակցելու համար, բացի ուսանողներից, կարող են դիմել այն մասնագետները, ովքեր նախկինում մասնակցել են միջոցառումներին և ունեն հետագայում կենտրոնում աշխատելու ցանկություն: Տեղեկությունների համար դիմել ԱրՊՀ-ի Հոգեբանական կենտրոն:
  Արցախի պետական համալսարանի, Երևանի պետական համալսարանի իրավագիտության ֆակուլտետի և ԱՄՆ Հայ իրավաբանական միության (Armenian Bar Association) միջև համագործակցության արդյունքում նոյեմբերի 1-ին Արցախի պետական համալսարանում գործարկվել է իրավաբանական կլինիկա: Կլինիկայի ուսանողները, փորձառու փաստաբանների վերահսկողության ներքո, Արցախի Հանրապետության քաղաքացիներին մատուցելու են անվճար իրավաբանական օգնություն: Քաղաքացիների ընդունելությունը կազմակերպվում է աշխատանքային օրերին` ժամը 14:00-18:00-ին:
Արցախի պետական համալսարանը  հայտարարում է «Տարվա լավագույն ուսանող» մրցույթ` հիմք ընդունելով ուսման առաջադիմու­թյունը, մասնագիտական ձեռքբերումները և հասարակական  ակտիվությունը: Մրցույթի համար վերջնաժամկետ է սահմանված 2017թ. նոյեմբերի 10-ը: Տեղեկությունների համար դիմել ՈւՀՏԱ, ՀԿ և Լ բաժին: Հաղթողը  կմասնակցի մրցույթի հանրապետական  փուլին: ՈՒՀՏԱ, ՀԿ և Լ բաժին
ՍԻՐԵԼԻ  ՈՒՍԱՆՈՂՆԵՐ Արցախի պետական համալսարանը ուսանողների միջազգային  օրվան ընդառաջ հայտարարում է ուսանողական մրցույթ` հետևյալ  անվանակարգերով` -գրական ստեղծագործություն `բանաստեղծություն, պատմվածք, շարադրություն, պիես /հայերեն, ռուսերեն, անգլերեն, գերմաներեն, ֆրանսերեն/, -լրագրություն /թղթակցություն, ակնարկ, տեղեկատվություն, հարցազրույց, սոցիալական տեսահոլովակ/, - նկարչություն /բնանկար, դիմանկար/, -լուսանկարչություն, այդ թվում`ինքնալուսանկարչություն /սելֆի/, -լավագույն ուսանողական ծրագիր` ռազմահայրենասիրական, բնապահպանական,  մշակութային և այլն: Հաղթող ճանաչված ծրագիրը կիրագործվի ԱրՊՀ աջակցությամբ: Մրցույթի  համար  վերջնաժամկետ  է  սահմանված  2017թ. նոյեմբերի  10-ը: Լրացուցիչ տեղեկությունների համար դիմել ֆակուլտետի մեթոդիստին:                                                                                                                          ՈւՀՏԱ, ՀԿ և Լ   բաժին  
Ի գիտություն ԱրՊՀ հոգեբանական կենտրոնի աշխատանքներում ներգրավված անձանց    Սիրով տեղեկացնում ենք, որ դասընթացներ վարելու նպատակով ԱրՊՀ-ում են գտնվում Երևանից ժամանած հոգեբաններ, վաստակաշատ հոգեբան, «Ընդհանուր հոգեբանություն» բուհական դասագրքի հեղինակ, հ.գ.թ. Սուսաննա Փիլոսյանը և երիտասարդ, բայց արդեն ճանաչում ունեցող մասնագետ, փորձագետ հ.գ.թ. Լևոն Սարգսյանը:   Հոգեբանական կենտրոնի աշխատանքներում ներգրավված անձանց հրավիրում ենք հոկտեմբերի 4-ին և 5-ին ժամը 13.30-ին մասնակցելու Լևոն Սարգսյանի վարած գործնական պարապմուքներին և 2017թ. հոկտեմբերի 5-ին ժամը 13.30-ին կայանալիք ինտերակտիվ քննարկմանը, որը կվարի վաստակաշատ գիտնական Սուսաննա Փիլոսյանը:   Մասնակցելու ցանկություն ունեցողներին խնդրում ենք զանգահարել 097318413, կամ նամակ գրել sargsyan41371@mail.ru էլ.փոստին կամ մեր ֆեյսբուքյան էջին:
1 2 3 4 5 6 7 8 9 10 11 12 13 14 15 16 17 18