Հարգելի´ դիմորդներ, համաձայն Արցախի Հանրապետության բարձրագույն ուսումնական հաստատությունների առկա ուսուցման 2021-2022 ուսումնական տարվա ընդունելության կարգի` ընդունելության մրցույթի արդյունքներով հաշվեգրված դիմորդները պետք է մինչև սույն թվականի օգոստոսի 6-ը ԱրՊՀ ընդունող հանձնաժողովին ներկայացնեն հետևյալ փաստաթղթերը. 1. ավարտական փաստաթուղթ՝ ատեստատ կամ դիպլոմ /բնօրինակը/, 2. 6 լուսանկար /3X4 սմ չափսի/, 3. անձը հաստատող փաստաթուղթ /անձնագիր, նույնականացման քարտ, ծննդյան վկայական/ բնօրինակը, 4. զինվորական գրքույկ /բնօրինակը/՝ առկայության դեպքում, 5. սոցիալական վիճակը հաստատող տեղեկանք /առկայության դեպքում/, 6. միջազգային և հանրապետական մրցույթների դիպլոմներ /առկայության դեպքում/, 7. փաստաթղթերն ընդունելու և ձևակերպելու համար 1500 ՀՀ դրամ /«Արցախբանկ» ՓԲԸ-ում ԱրՊՀ հաշվեհամարին/ վճարելու վերաբերյալ անդորրագիր: Մանրամասն տեղեկությունների համար զանգահարել 047-95-09-47 հեռախոսահամարով:

Սիրելի’ համալսարանականներ հուլիսի 3-5-ը Ստեփանակերտի մշակույթի և երիտասարդության պալատում կանցկացվի Tech Week Artsakh 2021 կամ «Տեխնոլոգիաների շաբաթ Արցախում 2021» միջոցառումների շարքը, որը մեկ վայրում կկենտրոնացնի ՏՀՏ ընկերությունների ջանքերը՝ համայնքային զարգացման խթանման ուղղությամբ։ Tech Week Artsakh 2021-ը կազմակերպվում է «ՋիՋի», «Ինստիգեյթ Մոբայլ» և «Քրաուդֆանդինգ ֆորմուլա» ընկերությունների կողմից։ Միջոցառման հիմնական նպատակն է՝ գիտուժի համախմբում երկրի հզորացման գաղափարի շուրջ, համայնքների համաչափ, շարունակական զարգացում, Արցախում նոր թիմերի ստեղծում, երիտասարդների զինում գիտելիքով, հմտություններով, ինչպես նաև նոր հնարավորությունների ու կարողությունների բացահայտում։ Միջոցառման հիմնական ուղղություններն են․ տեխնոլոգիաները բիզնեսը մարքեթինգը դիզայնը Մասնակցությունն անվճար է. անհրաժեշտ է նախապես գրանցվել հետևյալ հղումով՝  http://bit.ly/TechweekArtsakh2021

ԱրՊՀ հարգելի´ շրջանավարտներ, ովքեր պատերազմի պատճառով կորցրել են իրենց դիպլոմները և համալսարանից դիպլոմների կրկնօրինակները ստանալու համար դիմում էին ներկայացրել ԱրՊՀ գրասենյակ, կարող են մինչև հունիսի 30-ը ներկայանալ ԱրՊՀ ուսումնական գործընթացի կազմակերպման բաժին և ստանալ դիպլոմները՝ ներկայացնելով նաև անձնագիրը: ԱրՊՀ ուսումնական գործընթացի կազմակերպման բաժնում հուլիսի 1-ից մինչև օգոստոսի 1-ը արձակուրդի պատճառով ոչ աշխատանքային օրեր կլինեն: Դիպլոմների տրման գործընթացը կվերսկսվի օգոստոսի 2-ից: Հավելյալ տեղեկությունների համար զանգահարել հետևյալ հեռախոսահամարով՝ 097 23 14 70

Սույն թվականի մայիսի 21-ին հայտարարվել էր բնագիտական, մանկավարժության և սպորտի ֆակուլտետների դեկանների  թափուր պաշտոնների մրցույթ, որի համար հայտերի ընդունման վերջնաժամկետ էր ընդունված ս.թ. հունիսի 10-ը: Մանկավարժության և սպորտի ֆակուլտետի դեկանի թափուր պաշտոնի համար հայտ չի ներկայացվել: Բնագիտական ֆակուլտետի դեկանի թափուր պաշտոնի համար ներկայացվել է մեկ հայտ ք.գ.թ., դոցենտ Արթուր Ավետիսյանի կողմից: Բնագիտական ֆակուլտետի դեկանի ընտրության օրը նշանակվել է ս.թ. հունիսի 28-ը:                                                                                                           ԱրՊՀ գիտքարտուղար                                          

«Sunrise Stepanakert» թիմը Արցախի պետական համալսարանի աշխատակազմին և ուսանողներին  հրավիրում է մասնակցելու Արցախում կայանալիք առաջին մուլտիմեդիա արվեստի փառատոնին, որը տեղի է ունենալու հունիսի 26-ից հուլիսի 17-ը: «Sunrise Stepanakert»-ը մուլտիմեդիա արվեստի փառատոն է, որը ներառում է լուսանկարչության և թվային արվեստի ցուցադրություն, երաժշտական համերգներ, կինոդիտումներ և ստեղծագործական վարպետության դասեր: Մշակույթը վերականգնման և բուժման կարևորագույն գործիք է, և «Sunrise Stepanakert»-ը  նպատակ ունի արվեստի խթանման միջոցով վերակենդանացնել Ստեփանակերտը վերջին կործանարար ամիսներից հետո՝ ընդգծելով քաղաքը և հողը փայփայելու կարևորությունը, ցուցադրել տեղի արվեստը և առանձնացնել ստեղծագործական արձագանքները արցախյան վերջին պատերազմի վերաբերյալ: «Sunrise Stepanakert» փառատոնի ծրագիրը՝ այստեղ:

ԿԽՄԿ առաքելությունը Լեռնային Ղարաբաղում ընդունում  է Միջազգային մարդասիրական իրավունքի (ՄՄԻ) եռօրյա ամառային դպրոցի մասնակցության հայտեր։ Դպրոցը կազմակերպվելու է Պատարա գյուղում, 2021 թվականի հուլիս ամսին։ Ամառային դպրոցն անվճար է, ԿԽՄԿ-ն հոգալու է ամառային դպրոցի մասնակցության հետ կապված բոլոր ծախսերը։ Դպրոցի ընթացքում ուսանողները հնարավորություն կունենան ծանոթանալու միջազգային մարդասիրական իրավունքի հիմնական դրույթներին, մասնակցելու ինտերակտիվ քննարկումների ու խաղերի, իսկ երեկոյան դիտելու ՄՄԻ թեմատիկայով ֆիլմեր։ Պարտադիր նախապայման է իրավաբանական ֆակուլտետի ուսանող լինելը։ Դասընթացի վերջում մասնակիցներին կշնորհվեն վկայականներ։   Մասնակցության համար խնդրում ենք լրացնել սույն հայտը՝ https://docs.google.com/forms/d/e/1FAIpQLSel7gGfztLzm4yV4zbioq0b_QlJsDjUV2WecGhKduO1c1FyCw/viewform?vc=0&c=0&w=1&flr=0 ։ ԿԽՄԿ ԼՂ գրասենյակը իրավունք է վերապահում կապ հաստատելու միայն մասնակցության փուլ անցած ուսանողների հետ։ Հայտերի ընդունման վերջնաժամկետն է հունիսի 30-ը (ներառյալ)։

ԱրՊՀ բակալավրիատի առկա և հեռակա ուսուցման համակարգերի,  մագիստրատուրայի 2020-2021 ուստարվա հարգելի՛ շրջանավարտներ, Ձեզ ենք ներկայացնում դիպլոմների հանձնման  արարողության ժամանակացույցը՝ ըստ ֆակուլտետների. Բնագիտական ֆակուլտետ-հունիսի 16-ին՝ ժամը 11:00-ին, ԱրՊՀ համար 2 մասնաշենքի բակում: Բանասիրական ֆակուլտետ-հունիսի 17-ին՝ ժամը 10:00-13:00, ԱրՊՀ համար 2 մասնաշենքի բակում: Տնտեսագիտության ֆակուլտետ-հունիսի 17-ին՝ ժամը 13:30-ից, ԱրՊՀ համար 2 մասնաշենքի բակում: Մանկավարժության և սպորտի ֆակուլտետ-հունիսի 18-ին՝ ժամը 10:00-ից, ԱրՊՀ համար 3 մասնաշենքի բակում: Պատմության և իրավագիտության ֆակուլտետ-հունիսի 18-ին՝ ժամը 12:30-ից, ԱրՊՀ համար 3 մասնաշենքի բակում: Դիպլոմները ստանալու համար անհրաժեշտ է Ձեզ հետ ներկայացնել. գրադարանից վերցրած շրջիկ թերթիկը, որով կհավաստվի, որ Դուք գրադարանում գրքային պարտքեր չունեք, «Արցախբանկ» ՓԲԸ-ից ԱրՊՀ դիպլոմի համար գանձվող վճարի (6000 ՀՀ դրամ) անդորրագիրը, անձնագիր

Արցախի պետական համալսարանը հայտարարում է մագիստրատուրայի 2021-2022 ուսումնական տարվա ընդունելություն հետևյալ մասնագիտությունների գծով: Ծանոթություն. փաստաթղթերն ընդունվում են.  ուսուցման անվճար  համակարգի համար` ս.թ. հունիսի 10-ից  մինչև հունիսի 30-ը , իսկ  ուսուցման վճարովի համակարգի  համար՝ ս.թ. օգոստոսի 2-ից  մինչև օգոստոսի 14-ը: Քննությունները կկազմակերպվեն ս.թ. օգոստոսի 17-ից  մինչև օգոստոսի 20-ը: Բոլոր մասնագիտությունների գծով ուսուցման անվճար համակարգի անցումային շեմ է համարվում 15  միջին որակական գնահատականը: Բոլոր մասնագիտությունների գծով ուսուցման վճարովի համակարգի  անցումային շեմ է համարվում 12 միջին որակական գնահատականը: Մագիստրատուրա ընդունվելու համար դիմորդները պարտավոր են ներկայացնել հետևյալ փաստաթղթերը. դիմում-հայտ, որտեղ դիմորդը կարող է նշել առավելագույնը 3 մագիստրոսական ծրագիր, բակալավրի, դիպլոմավորված մասնագետի, մագիստրոսի դիպլոմի և դրանց հավելվածի (միջուկի) պատճենները, 3 լուսանկար (3×4) չափսի, անձնագրի պատճենը, ինքնակենսագրություն, հրատարակված գիտական աշխատությունների ցանկը (դրանց առկայության դեպքում), զինվորական գրքույկի պատճենը (առկայության դեպքում), փաստաթղթերի ընդունելության և ձևակերպման համար՝ 1500 դրամ, քննությունների կազմակերպման և անցկացման համար՝ ևս 1500 դրամ (գանձվող վճարի անդորրագիրը): Անկախ մրցույթին կամ քննությանը մասնակցելու հանգամանքից ու արդյունքից` վճարված գումարը վերադարձման ենթակա չէ: Արագակար Լրացուցիչ տեղեկությունների համար դիմել ԱրՊՀ ուսումնական գործընթացի կազմակերպման բաժին կամ զանգահարել  0479 5 01 67 հեռախոսահամարով:  

Հարգելի՛ գործընկերներ, Արցախի պետական համալսարանի  Հոգեբանական կենտրոնը  2021թ. հունիսի 24-ից 26-ը կազմակերպում է հոգեբանական աշխատաժողով` քննարկելու մասնագիտական համայնքի անելիքները` Արցախում առկա իրավիճակի համատեքստում: Աշխատաժողովին հրավիրված են և կմասնակցեն ԱՀ կառավարության, ԿԳՄՍ նախարարության ներկայացուցիչներ, ՀՀ-ում և Արցախում ճանաչում ունեցող գիտնական-հոգեբաններ: Քննարկելուց և հավանության արժանացնելուց հետո աշխատաժողովը կընդունի կոնկրետ երաշխավորություններ` ազգաբնակչության մոտ առկա հոգեբանական բնույթի խնդիրները հաղթահարելու միտումով: Մասնակիցներից ակնկալվում է իրենց մշակած տեսլականի ներկայացում` ստեղծված իրավիճակի հոգեբանական գնահատումից մինչև գործնական առաջարկություններ:  ՀՀ-ից ժամանող հյուրերի համար կգործի հետևյալ աշխատակարգը. -հունիսի 24-ին` հյուրերի ժամանում Ստեփանակերտ, տեղավորում հյուրատանը, նախնական խորհրդատվություններ, ընթրիք, հանգիստ, -հունիսի 25-ին` 10.00-11.30` լսումներ, 11.30-12.00-սուրճի ընդմիջում, 12.00-14.00- լսումներ, 14.00-16.00- ճաշի ընդմիջում, 16.00-18.30- կլոր սեղան-քննարկում , 18.30-19.00- աշխատանք հայտարարության տեքստի վրա, 19.00- ընթրիք,  -հունիսի 26-ին` 10.00-արդյունքների ամփոփում, ժամանց, մեկնում Ստեփանակերտից: Արցախի մասնագետներին խնդրում ենք հունիսի 25-ին աշխատաժողովի մասնակցության հայտերն ուղարկել  ԱրՊՀ հոգեբանական կենտրոնի  asu.hogkentron@mail.ru էլեկտրոնային հասցեին կամ զանգահարել +374  97 31 99 26, +374  97 72 99 26 հեռախոսահամարներին:

Հարգելի՛ շրջանավարտներ, Տեղեկացնում ենք, որ սույն թվականի հունիսի 15-ից կմեկնարկի ավարտական փաստաթղթի՝ դիպլոմների տրման գործընթացը: Դիպլոմները ստանալու համար անհրաժեշտ է գրադարանից վերցնել շրջիկ թերթիկը, որով կհավաստվի, որ Դուք գրադարանում գրքային պարտքեր չունեք, «Արցախբանկ» ՓԲԸ-ից անդորրագիր՝ ԱրՊՀ-ի հաշվեհամարին դիպլոմի համար մուծված համապատասխան (6000 ՀՀ դրամ) վճարումը հավաստող, անձնագիր նշված փաստաթղթերը ներկայացնել ԱրՊՀ ուսումնական գործընթացի կազմակերպման բաժին՝ դիպլոմը ստանալու(փաստաթղթերը ներկայացնել դիպլոմները ստանալիս): Դիպլոմները կտրվեն  ԱրՊՀ 2020-2021 ուստարվա  բակալավրիատի առկա և հեռակա ուսուցման և մագիստրատուրայի շրջանավարտներին: Հավելյալ տեղեկությունների համար զանգահարել 097 23 14 70 հեռախոսահամարով: