Հայտարարություններ

Կարմիր խաչի միջազգային կոմիտեն (ԿԽՄԿ) հայտարարում է «Ռոբոտները և ՄՄԻ-ն»թեմայով էսսեների մրցույթ

Կարմիր խաչի միջազգային կոմիտեն (ԿԽՄԿ) հայտարարում է «Ռոբոտները և ՄՄԻ-ն»թեմայով էսսեների մրցույթ միջազգային մարդասիրական իրավունքով հետաքրքրված անձանց և հետազոտողների համար։ Տարեցտարի զինատեսակներն ավելի են կատարելագործվում, իսկ պատերազմ վարելու մեթոդները՝ ավելի բազմահնար դառնում։ Տասնամյակներ շարունակ պետություններն ու փորձագետները բանավիճում են զինտեխնիկայի շեշտակի զարգացմամբ ու զինված հակամարտությունների ժամանակ տեխնոլոգիաների կիրառմամբ պայմանավորված մարտահրավերների շուրջ, և թե ինչպես կարող են Ժնևի կոնվենցիաները և դրանց լրացուցիչ արձանագրություններն արձագանքել այդ մարտահրավերներին։

20 Մայիս 2021

Կկազմակերպվի ԵՊՀ ՈւԳԸ միջազգային 7-րդ երիտասարդական գիտաժողովը

Երևանի պետական համալսարանի (ԵՊՀ) Ուսանողական գիտական ընկերությունը (ՈՒԳԸ) 2021թ. հոկտեմբերի 4-8-ը կազմակերպում է միջազգային 7-րդ երիտասարդական գիտաժողովը՝ նվիրված ՀՀ անկախության 30-ամյակին: Գիտական նստաշրջանին մասնակցելու համար անհրաժեշտ է մինչև 2021թ. հունիսի 14-ը լրացնել առցանց հայտադիմումը, իսկ հոդվածն ուղարկել ՈՒԳԸ էլ. փոստի հասցեին՝ sss@ysu.am:

19 Մայիս 2021

ԱրՊՀ հեռակա ուսուցման պարապմունքները կմեկնարկեն մայիսի 24-ից

Հարգելի՛ ուսանողներ, հեռակա ուսուցման համակարգի պարապմունքները կմեկնարկեն մայիսի 24-ից և կտևեն մինչև հունիսի 11-ը: Պարապմունքներին զուգահեռ կկազմակերպվի նաև ստուգարքների հանձնման գործընթացը: Ստուգարքների հանձնում՝ 31.05. 2021-11.06. 2021 Ուսումնառության ավարտ՝ 11.06.2021 Քննաշրջան՝ 14.06. 2021-18.06. 2021 I լուծարք՝ 21.06. 2021-25.06. 2021 II լուծարք՝ 23.08. 2021- 27.08. 2021

18 Մայիս 2021

ԱրՊՀ ուսանողական խորհուրդը հայտարարում է ՈՒԽ նախագահի ընտրություն

ԱրՊՀ ուսանողական խորհուրդը հայտարարում է ՈւԽ նախագահի ընտրություն: ՈւԽ նախագահ ընտրվելու համար կարող է ֆակուլտետի կողմից առաջադրվել կամ ինքնաառաջադրվել ԱրՊՀ բակալավրիատի, մագիստրատուրայի այն ուսանողը կամ ասպիրանտը, ով ունի ակադեմիական բարձր առաջադիմություն (ուսանողը՝ 18-ից ոչ պակաս ՄՈԳ) և հասարակական ակտիվություն (ուսանողը՝ 10-ից ոչ ցածր միավոր), ունի կազմակերպչական ընդունակություններ և չունի մշտական աշխատանք: Թեկնածուների առաջադրման վերջնաժամկետն է մայիսի 21-ը: Լրացուցիչ տեղեկությունների համար դիմել ԱրՊՀ ՈՒԽ կամ ՈՒՀՏԱ և Կ բաժին,հեռախոս՝ 097 72 77 10:

11 Մայիս 2021

Ի գիտություն պատերազմի հետևանքով դիպլոմները կորցրած շրջանավարտների

ԱրՊՀ հարգելի´ շրջանավարտներ, ովքեր պատերազմի պատճառով կորցրել են իրենց դիպլոմները և համալսարանից դիպլոմների կրկնօրինակները ստանալու համար դիմում էին ներկայացրել ԱրՊՀ գրասենյակ,կարող են ներկայանալ ԱրՊՀ ուսումնական գործընթացի կազմակերպման բաժին և ստանալ դիպլոմները՝ ներկայացնելով նաև անձնագիրը: Հավելյալ տեղեկությունների համար զանգահարել հետևյալ հեռախոսահամարով՝ 097 23 14 70

11 Մայիս 2021

ԱրՊՀ-ն կմասնակցի Ստեփանակերտում կայանալիք խաչերթին

ԱրՊՀ հարգելի՛ դասախոսներ և ուսանողներ, մայիսի 8-ին՝ ժամը 18։00-ին, Արցախի բոլոր եկեղեցիներում կկատարվի ոգեկոչման կարգ /հոգեհանգիստ/՝ ի հիշատակ Արցախյան ազատամարտում նահատակված հերոսների: Ոգեկոչման կարգից հետո Ստեփանակերտի Սուրբ Աստվածամոր Հովանու Մայր տաճարից կմեկնարկի խաչերթ՝ Հայոց բանակի պահապան Աշոտ Երկաթ Սուրբ խաչի և ՊԲ հովանավոր Սբ․ Գրիգորիսի Խաչվառի առաջնորդությամբ դեպի հուշահամալիր:

07 Մայիս 2021

Կկազմակերպվի օլիմպիադա՝ «21-րդ դարի ուսուցիչը» թեմայով

Սիրելի՛ աշակերտներ, մայիսի 7-ին` ժամը 11։00-ին, ԱրՊՀ «Մանկավարժության և հոգեբանության» ամբիոնի նախաձեռնությամբ տեղի կունենա օլիմպիադա՝ «21-րդ դարի ուսուցիչը» թեմայով, որին կարող են մասնակցել հանրակրթական դպրոցների 8-11-րդ դասարանների աշակերտները: Հավելյալ տեղեկությունների համար կարող եք զանգահարել հետևյալ հեռախոսահամարով` 097212321

04 Մայիս 2021

Կկազմակերպվի օլիմպիադա «Նախնական զինվորական պատրաստություն» առարկայից

Հարգելի՛ աշակերտներ, տեղեկացնում ենք, որ սույն թվականի մայիսի 6-ին՝ ժամը 10.30-ին, ԱրՊՀ «Ֆիզդաստիարակություն և ՆԶՊ» ամբիոնի նախաձեռնությամբ կկազմակերպվի օլիմպիադա «Նախնական զինվորական պատրաստություն» առարկայից, որին կարող են մասնակցել հանրակրթական դպրոցների 8-12-րդ դասարանների աշակերտները: Օլիմպիադայում մրցանակային տեղեր զբաղեցրած մասնակիցները կպարգևատրվեն ԱրՊՀ-ի կողմից: Հավելյալ տեղեկությունների համար զանգահարել հետևյալ հեռախոսահամարով. 097 24 24 60

03 Մայիս 2021

ԱրՊՀ-ում կկազմակերպվի օլիմպիադա «Հայոց պատմություն» առարկայից

Հարգելի՛ աշակերտներ, տեղեկացնում ենք, որ սույն թվականի մայիսի 13-ին՝ ժամը 10.00-ին, ԱրՊՀ -ում տեղի կունենա օլիմպիադա «Հայոց պատմություն» առարկայից, որին կարող են մասնակցել հանրակրթական դպրոցների 9-12-րդ դասարանների աշակերտները: Օլիմպիադայում մրցանակային տեղեր զբաղեցրած մասնակիցները կպարգևատրվեն ԱրՊՀ-ի կողմից: Հավելյալ տեղեկությունների համար զանգահարել հետևյալ հեռախոսահամարով. 097 25 82 82

03 Մայիս 2021

ԱրՊՀ-ում կկազմակերպվի օլիմպիադա «Կենսաբանություն» և «Քիմիա» առարկաներից

Հարգելի՛ աշակերտներ, տեղեկացնում ենք, որ սույն թվականի մայիսի 6-ին՝ ժամը 10.00-ին, ԱրՊՀ -ում տեղի կունենա օլիմպիադա «Կենսաբանություն» և «Քիմիա» առարկաներից, որին կարող են մասնակցել հանրակրթական դպրոցների 9-12-րդ դասարանների աշակերտները: Օլիմպիադայում մրցանակային տեղեր զբաղեցրած մասնակիցները կպարգևատրվեն ԱրՊՀ-ի կողմից: Հավելյալ տեղեկությունների համար զանգահարել 097 28 88 08, 097 26 23 56 հեռախոսահամարներով:

26 Ապրիլ 2021

1 2 3 4 5 6 7 8 9 10 11 12 13 14 15 16 17 18 19 20 21

Ֆակուլտետները

Ուսանողին

Կապ