Արցախի պետական համալսարան
     Դեկտեմբերի 5-ին ԱրՊՀ բանասիրական ֆակուլտետի հայոց լեզվի և գրականության բաժնի առաջին կուրսի ուսանողներս կուրսղեկ Զ. Բալայանի նախաձեռնությամբ ճանաչողական այց կազմակերպեցինք Արցախի Անհայտ կորած ազատամարտիկների հարազատների միություն: Միության նախագահ Վերա Գրիգորյանը ուղեկցեց մեզ և ներկայացրեց անհայտ կորած ազատամարտիկների պատմությունը: Վերա Գրիգորյանի հավաստմամբ` ավելի քան 250 անհայտ կորած հաշվառված է Հայաստանում: «Մեզ Արցախյան պատերազմից բաժին ընկավ ամենադաժան ճակատագիրը` անհայտությունն ու անորոշությունը. ահավոր է, աննկարագրելի, սրտաճմլիկ: Գլուխդ դնում ես բարձին և սկսում ես փնտրել բանտերը, սարերը, չգիտես` ինչ է եղել, ամեն ինչ անորոշ է…»,-մեծ ցավով  ասում է Վերա Գրիգորյանը, ով նաև անհայտ կորած  հերոսի մայր է, որ միշտ սպասում է իր որդու տունդարձին:
             Դեկտեմբերի 1-ին ԱրՊՀ տնտեսագիտության Ֆակուլտետի ուսանողները հանդիպում ունեցան ԼՂՀ ֆինանսների նախարարության փոխնախարար Արթուր Հարությունյանի և Հարկային ծառայության մեթոդաբանության բաժնի պատասխանատու Արմինե Մուսայելյանի հետ: Ներկայացվեցին հարկային բարեփոխումները, հարկային համակարգի նոր նախագծերը, համակարգի թերություններն ու հետագա անելիքները: Ա. Մուսայելյանը ներկայացրեց հարկային վարչարարության մեղմացման ուղղությամբ կատարված աշխատանքները` հարկային հաշվետվությունների էլեկտրոնայնացումը, որոշ հարկատեսակների գծով պարտավորությունների մարման ուշացման դեպքում կիրառվող  տույժ-տուգանքների դրույքաչափերի նվազեցումը, որոշ հարկատեսակների գծով արտոնությունների սահմանումը: Հանդիպումն ուղեկցվեց բուռն քննարկումներով, ուսանողներին հնարավորություն տրվեց հնչեցնել իրենց հուզող հարցադրումները և կատարել առաջարկություններ: Ա. Հարությունյանը և ֆակուլտետի ներկայացուցիչները համաձայնության եկան հարկային ծառայության կադրային խնդիրը լուծել` ներգրավելով ֆակուլտետի ուսանողներին` որոշակի ժամկետով փորձուսուցում անցնելուց հետո: Նինա Բալայան ՏՏ 4-րդ կուրս
ԱրՊՀ-ի մանկավարժության և սպորտի ֆակուլտետի «Մանկավարժություն և մեթոդիկա (տարրական կրթության)», «Նախադպրոցական մանկավարժություն և մեթոդիկա» մասնագիտության առաջին կուրսեցիներս մեր կուրսղեկների` Ա. Գասպարյանի և Ա. Աբալյանի հետ օրերս այցելեցինք Շուշիի «Շող» ցերեկային  համայնքահեն կենտրոնի երեխաներին` մեր հոգու ջերմությունից մի շող պարգևելու նրանց: Բոլորս, մեծ առաքելության վեհությամբ ոգևորված, պատրաստակամ և միահամուռ աշխատում էինք մեր ներդրումն ունենալ այդ գործում: Կարճ ժամանակահատվածում քաղցրավենիք, գրենական պիտույքներ, գրքեր և ԱրՊՀ ռեկտորի կողմից տրամադրված նվերները պատրաստ սպասում էին իրենց տերերին: ԱրՊՀ-ի ավտոբուսներով ճանապարհվեցինք քաղաք Շուշի:
              Աշնան նախավերջին օրը ԱրՊՀ-ի լրագրության բաժնի ուսանողների մոտ տոնական տրամադրություն էր տիրում: «Աշունը լրագրողի աչքերով» խորագիրը կրող միջոցառումը ներառում էր նաև ապագա լրագրողների պատրաստած գործերի ցուցադրություն` տեսանյութ և այլն: Ներկաներին ողջույնի խոսք ասաց միջոցառման կազմակերպիչ Եվգենյա Պողոսյանը: Ուսանողները,  հանդես գալով երգով, պարով և ասմունքով, օրը դարձրին բովանդակալից ու գունագեղ: Միջոցառմանը համապատասխան նյութերով ամփոփվեցին աշնանանային բոլոր տոները` սեպտեմբերի 1-ը` Գիտելիքի օրը, Ուսուցիչների տոնը, Արցախի մայրաքաղաք Ստեփանակերտի օրը, Բերքի տոնը, Ուսանողների միջազգային օրը: Վերջում ուսանողները տերևների վրա կատարված գրառումներով հետաքրքիր հարցեր ուղղեցին միջոցառմանը ներկա դասախոսներին: Օրինակ` տերևներից մեկի վրա գրված էր` «Ո՞րն է Ձեզ համար ամենահետաքրքիր  դեպքը Ձեր ուսանողական տարիներից» կամ «Ո՞վ է ուսանողը» և այլ հարցեր, որոնք միջոցառումը դարձրին էլ ավելի հետաքրքիր` ստեղծելով ջերմ ու անմիջական մթնոլորտ: Իրինա Հայրապետյան Լրագրություն 3-րդ կուրս ֆոտոռեպորտաժը` Վերոնիկա Ավթանդիլյանի Լրագրություն 3-րդ կուրս
        Ասում են` ուսանողական տարիները մարդու լավագույն տարիներն են, որ ուսանողական տարիների քաղցրությունն ուրիշ է: Վերջերս հնարավորություն ունեցա անձամբ համոզվելու դրանում:  «Մեթոդական աջակցություն ԼՂՀ  ՀԿ-ներին և երիտասարդներին»  ծրագրի շրջանակում Արցախի տարբեր բուհերից ուսանողներ մեկնեցին 2016 թվականին  ՀՀ երիտասարդական մայրաքաղաք ճանաչված Գյումրի:
  Ցավոք Արցախում, ինչպես նաև այլ երկրներում, հաշմանդամ մարդկանց համար բարենպաստ պայմանները շատ չեն, սակայն նրանք էլ են կարողանում տեսնել կյանքի լույսը: Մտածենք` ինչքան ուժ է պետք բարդույթները հաղթահարելու համար, որպեսզի նրանք կարողանան ապրել գեղեցիկ ու պայծառ: Կան մարդիկ էլ, ում կյանքն իրականում թեպետ շատ սարսափելի է, բայց նրանք հրաշալի հոգի ունեն ու կարողանում են գեղեցիկ ապրել: Ինչպես  տարբեր երկրներում`՝ Ռուսաստանում, Հունգարիայում, Աֆրիկայում, ԱՄՆ-ում, այնպես էլ Հայաստանում կազմակերպվում է հաշմանդամ  կանանց գեղեցկության մրցույթ: Մայիսի  5-ին   կայացել   է  հաշմանդամություն ունեցող   կանանց` «Միսս    Հայք 2016»   համահայկական   գեղեցկության   մրցույթ: Այն   անց  է   կացվել   Երևանի   Կոմիտասի անվան կամերային երաժշտության տան դահլիճում:  «Միսս համակրանք» անվանակարգում հաղթող է ճանաչվել Արփինե Հարությունյանը,  ով  տեղաշարժվում է սայլակով:
            Երևանի Պետական համալսարանի փիլիսոփայության և հոգեբանության ֆակուլտետում մեկնարկած «Արիստոտելի ժառանգությունը հայոց մշակույթի համատեքստում (արիստոտելյան ընթերցումներ)» խորագրով քառօրյա գիտաժողովը նոյեմբերի 19-ին իր աշխատանքներն է շարունակել Արցախում՝ Մատենադարան-Գանձասար գիտամշակութային կենտրոնում:
            ՀՀ Խաչատուր Աբովյանի անվան մանկավարժական համալսարանի  հեռուստալրագրության ամբիոնի հեռուստառեժիսուրայի և մոնտաժի դասախոս, կինոռեժիսոր Արսեն Առաքելյանն Արցախի պետական  համալսարանի  հրավերով եռօրյա այցով գտնվում էր  մայր բուհում:  Կինոռեժիսոր Արսեն Առաքելյանը հեղինակ է մի շարք ֆիլմերի՝ ‹‹Մայրիկ››, ‹‹Մեր միջի արևը››, ‹‹Դաշտադեմի ամրոցը››, ‹‹Բարեկամավան››, ‹‹Խաղ››:
                    Երբ թշնամին հոխորտում էր սահմանին, երբ արցախցին նորից զենքը ձեռքն էր առել՝ հող հայրենին պաշտպանելու, ապրիլի 7-11-ը ֆրանսիայի Թուլուզա քաղաքում ընթացող առաջնությունում միջազգային մրցաշարերի բազմակի հաղթող Վահագն Չալյանը (ծնված 1998թ. մայիսի 2-ին Ստեփանակերտում, 81 կգ ք/կ), գերազանց հաղթելով բոլոր գոտեմարտերում և տապալելով ադրբեջանցի մարզիկին` դառնում է սամբոյի Եվրոպայի պատանիների և երիտասարդների առաջնության արծաթե մեդալակիր: «Պետք է ճզմել ադրբեջանցուն, ուրիշ տարբերակ չի կարող լինել»: Հենց այս համոզմունքն էլ գերնպատակ դարձրած` Վահագնը մտավ ռինգ: Դե իսկ ռինգում ադրբեջանցուն ջախջախելը դարձել է ազգային ավանդույթ:
         Նոյեմբերի 9-ին ԱրՊՀ մի խումբ ուսանողների հետ այցելեցինք Ստեփանակերտի գիշերօթիկ հաստատություն: Այցի նպատակն այս անգամ ուղղակի սաների հետ ծանոթանալն էր:
1 2 3 4 5 6 7 8 9 10 11 12 13 14 15 16 17 18 19 20