Արցախի պետական համալսարան
Մայիսյան հերոսամարտերին նվիրված միջոցառումների շրջանակում ԱրՊՀ բանասիրական ֆակուլտետի «Հայոց լեզու և գրականություն» մասնագիտության 1-ին կուրսի ուսանողները կուրսղեկ Զինաիդա Բալայանի ուղեկցությամբ այցելել են Արցախյան գոյամարտում զոհված ազատամարտիկների հիշատակը հավերժացնող թանգարան։ Այցի և տպավորությունների մասին պատմում է ուսանողուհի Մերի Դանիելյանը
Ժողովրդավարության հայկական դպրոցի շրջանակում Արցախի պետական համալսարան է այցելել ՀՀ պետական կառավարման ակադեմիայի դասախոս, քաղաքագետ Սուրեն Պետրոսյանը և հանդես եկել «Ազգային ինքնությունը որպես անվտանգային համակարգի կարևորագույն բաղադրիչ» թեմայով դասախոսությամբ: Ս. Պետրոսյանի խոսքով՝ Ժողովրդավարության հայկական դպրոցի շրջանակում նախատեսում են առաջիկայում լինել Արցախի տարբեր շրջաններում և հանդես գալ պրակտիկ դասախոսություններով, տարբեր ձևաչափերով միջոցառումներով, որոնք միտված կլինեն հողը չլքելու, հայրենիքը ապրեցնելու գաղափարին: Ծրագրի մեկնարկը տրվեց ԱրՊՀ-ից:
Վերջին շրջանում մեծացել է դիմորդների հետաքրքրությունը «Հոգեբանություն» կրթական ծրագրի հանդեպ, ինչը վկայում են նաև նշված մասնագիտությամբ ԱրՊՀ ընդունվողների ցուցանիշները: Կրթական ծրագրի հանդեպ հետաքրքրությունն ամրապնդվում և մասնագիտական գիտելիքների ձեռքբերմանը նպաստում են նաև մանկավարժության և հոգեբանության ամբիոնի կողմից պարբերաբար կազմակերպվող միջոցառումները:
Հանուն հայրենիքի Արցախյան պատերազմներում նահատակված ԱրՊՀ ուսանողների կենսապատումն ամբողջացնող գիրք ստեղծելու աշխատանքները սկսվել էին դեռ նախորդ տարի ռեկտոր Արմեն Սարգսյանի հանձնարարականով։ Այսօր արդեն գիրքն ընթերցողի սեղանին է, որը կտրամադրվի նաև զոհված ուսանողների հարազատներին։
«Համաշխարհային քաղաքակրթությունների պատմություն» դասընթացի շրջանակներում մայիսի 5-ին ԱրՊՀ տնտեսագիտության ֆակուլտետի «Զբոսաշրջություն» կրթական ծրագրի 3-րդ կուրսի ուսանողները, պատմության և քաղաքագիտության ամբիոնի դասախոս Էլինա Մխիթարյանի նախաձեռնությամբ հանդիպել են Արցախի Հանրապետության Մարդու իրավունքների պաշտպան Գեղամ Ստեփանյանի հետ:
Մայիսի 6-ին Արցախի պետական համալսարան են այցելել Արցախի Հանրապետության ՊՆ, ՊԲ հրամանատար, գեներալ-լեյտենանտ Կամո Վարդանյանը, ԿԳՄՍ նախարար Անահիտ Հակոբյանը, ՊԲ հրամանատարի ԲՀԱ գծով տեղակալ, գնդապետ Նորայր Մկրտչյանը և Մայիսյան եռատոնի առթիվ ավանդական դարձած Արիության դաս անցկացրել համալսարանականների համար: Պատերազմներում անմահացած հերոսների հիշատակը ներկաները հարգել են լռության րոպեով:
Մայիսի 5-ին կայացել է ԱրՊՀ գիտխորհրդի նիստ, որին ներկա էր նաև Արցախի Հանրապետության ԿԳՄՍ նախարար Անահիտ Հակոբյանը: Ողջունելով նիստի մասնակիցներին՝ ԱրՊՀ ռեկտոր Արմեն Սարգսյանը ներկայացրել է օրակարգային առաջին հարցը, որը վերաբերում էր ԱրՊՀ 2022-2023 ուսումնական տարվա բակալավրիատի (առկա և հեռակա), մագիստրատուրայի (առկա), ասպիրանտուրայի, հայցորդության ուսման վճարի տարեկան չափերը սահմանելու մասին:
«Կորպորատիվ ֆինանսներ» դասընթացի շրջանակում մայիսի 4-ին, տնտեսագիտության ֆակուլտետի «Ֆինանսներ» կրթական ծրագրի 2-րդ կուրսի ուսանողների մասնակցությամբ կազմակերպվել են գիտաճանաչողական ընթերցումներ: Միջոցառումը նախաձեռնել է Ֆինանսահաշվային ամբիոնի ավագ դասախոս Արևիկ Ալեքսանյանը: Նրա խոսքով՝ միջոցառման նպատակն էր ուսանողների խմբային աշխատանքով կորպորացիայի օրինակով հաշվել կազմակերպության կապիտալի կառուցվածքի բնութագրության, եկամուտների և ծախսերի կառուցվածքի գործառնական վերլուծության հիմնական ցուցանիշները և ընթացիկ ակտիվների արդյունավետության ցուցանիշները։
ԱրՊՀ-ում մեկնարկած բաց դասախոսությունների շարքի հերթական թեման վերաբերում էր կյանքի իմաստին: ՈՒՇՀՀՏԱԳ պրոռեկտոր, հ.գ.թ., դոցենտ Վիտյա Յարամիշյանը հանդես է եկել «Կյանքի իմաստ կամ էքզիստենցիալ փիլիսոփայություն» թեմայով դասախոսությամբ, որին մասնակցում էին ուսանողներ տարբեր ֆակուլտետներից:
Մայիսի 2-ին ԱրՊՀ բանասիրական ֆակուլտետի «Հայոց լեզու և գրականություն» մասնագիտացման մագիստրատուրայի 1-ին կուրսի ուսանողները կազմակերպել են «Մեր մեծերը» խորագրով միջոցառում՝ նվիրված մեծ հայագետ-լեզվաբան, ակադեմիկոս Հրաչյա Հակոբի Աճառյանին։ Միջոցառումը նախաձեռնել է Ակադեմիկոս Սերգեյ Աբրահամյանի անվան հայոց լեզվի ամբիոնի դասախոս, բանասիրական գիտությունների թեկնածու, պրոֆեսոր Օֆելյա Բաբայանը։