Արցախի պետական համալսարանում հոկտեմբերի 25-ից մեկնարկել է «Կրթության որակի բարելավման հոգեբանական հիմքերը» խորագրով հատուկ դասընթաց, որին մասնակցում են մանկավարժներ, հոգեբաններ, ուսուցիչներ, սոցիալական աշխատողներ, մեթոդիստներ: Դասընթացը կազմակերպում է ԱրՊՀ հոգեբանական կենտրոնը «Էրուդիցիա» գիտահետազոտական-վերլուծական կենտրոնի հետ համատեղ, դասախոսությունները վարում են ԱրՊՀ դասախոսներ հ.գ.թ., պրոֆեսոր Արզիկ Մխիթարյանը, հ.գ.թ., դոցենտ Վիտյա Յարամիշյանը, հ.գ.թ. Արայիկ Ֆիրյանը, մ.գ.թ., դոցենտ Էլլադա Բաղդասարյանը, ավագ դասախոսներ Արմինե Ալոյանը, Ռոզա Աղաջանյանը, դասախոս Իննա Մկրտչյանը:
25 Հոկտեմբեր 2022
Հոկտեմբերի 21-ին ԱրՊՀ է այցելել ԵՊՀ պատվիրակությունը, որի կազմում էին հիմնականում ուսանողական խորհրդի նախագահներ, ուսանողական գիտական ընկերության անդամներ, ակտիվիստներ: Այցի ընթացքում ԵՊՀ ուսանողները հանդիպել են ԱրՊՀ ուսանողական ակտիվի և ուսանողների հետ տարվող աշխատանքների պատասխանատուների հետ, քննարկել համատեղ ծրագրեր իրականացնելու հնարավորություններ, նախանշել այդպիսի ծրագրեր մշակելու և կյանքի կոչելու ուղիներ:
24 Հոկտեմբեր 2022
ՀՀ ԳԱԱ Հրաչյա Աճառյանի անվան լեզվի ինստիտուտը սկսել է «Բարբառագիտական ընթերցումներ» խորագրով գիտաժողովների շարք՝ նպատակ ունենալով առանձին-առանձին անդրադառնալու հայերենի 11 բարբառախմբերից յուրաքանչյուրին:
24 Հոկտեմբեր 2022
Կլինիկայում ընդգրկված ԱրՊՀ իրավագիտության բաժնի ուսանողներն ու փորձառու մասնագետները Արցախի Հանրապետության քաղաքացիներին մատուցում են անվճար իրավաբանական խորհրդատվություն և այլ անհրաժեշտ ծառայություններ:
Իրավաբանական կլինիկան գործում է աշխատանքային օրերին` ժամը 13:00-ից մինչև 17:00:
Հասցե` Մխիթար Գոշ 5, Արցախի պետական համալսարանի 3-րդ մասնաշենք, 4-րդ հարկ:
24 Հոկտեմբեր 2022
Անուշ Բաբայանը «Դասավանդի`ր, Հայաստան»-ի կողմից առաջարկվող կրթաթոշակակիրներից է։ Արցախի պետական համալսարանի շրջանավարտը, շահելով կրթաթոշակը, այժմ միացել է «Դասավանդի՛ր, Հայաստան»-ին և դասավանդում է Մարտունու շրջանի Խնուշինակ համայնքում։ Անուշը նշում է՝ եթե անգամ չդառնար կրթաթոշակակիր, միևնույն է՝ դիմելու էր Ուսուցիչների առաջնորդության ծրագրին. պատճառը գաղափարական էր. «Մեր համայնքներում մասնագիտական մի շարք առարկաներ չեն դասավանդվում, Արցախում նույնպես այդ խնդիրը առկա է։ Այս ծրագրի միջոցով ես փորձում եմ իմ չափով այդ բացը լրացնել, և միևնույն ժամանակ օգտակար լինել երկրիս»,- նշում է Անուշը, ով թեև առաջին տարին է ուսուցչի դերում, սակայն արդեն վստահ է իր ապագայի պլաններում՝ այն կրթության ոլորտում է շարունակելու։
Այսօր ավելի քան երբևէ բոլորիս քայլ անելու ժամանակն է։ Այդ ճանապարհին «Դասավանդի’ր, Հայաստան»-ը առաջարկում է նաև ուսման վարձը փոխհատուցող կրթաթոշակ 500.000 դրամի չափով՝ անկախ նրանից ուսանողը սովորում է վճարովի, թե անվճար համակարգում։
Այս պահին Արցախի տարբեր շրջաններում դասավանդում են 15-ից ավել շրջանավարտներ, ովքեր սովորել են Արցախի եւ Հայաստանի հանրապետության տարբեր համալսարաններում։
Ծանոթացի՛ր պայմաններին և դիմի՛ր հիմա։
19 Հոկտեմբեր 2022
ԱրՊՀ-ում հոկտեմբերի 17-ից մեկնարկել են առկա ուսուցման համակարգի առաջին կիսամյակի առաջին ընթացիկ ստուգումները:
Քննաշրջանին նախորդել են առաջին կուրսեցիների հետ հանդիպումները, որոնց ընթացքում ուսանողները տեղեկացվել են քննությունների անցկացման կարգի, իրենց իրավունքների և պարտականությունների մասին:
17 Հոկտեմբեր 2022
Արցախի պետական համալսարանում մեկնարկած «Արցախ. նոր մարտահրավերներ և հաղթահարման ուղիներ» խորագրով ԱՀ և ՀՀ պետական ու քաղաքական գործիչների հետ հանդիպումների շրջանակում հոկտեմբերի 13-ին ԱրՊՀ-ում պրոֆեսորադասախոսական կազմի և ուսանողության ներկայացուցիչների մասնակցությամբ տեղի է ունեցել հանդիպում-քննարկում Արցախի Հանրապետության ԱԺԿ, ՀՅԴ, «Արդարություն» կուսակցությունների ներկայացուցիչներ Աշոտ Ղուլյանի, Արթուր Մոսիյանի և Դավիթ Գալստյանի հետ:
Նախքան հանդիպման մեկնարկը՝ ներկաները ծաղիկներ են խոնարհել Արցախյան պատերազմներում անմահացած ուսանող ազատամարտիկների հիշատակը հավերժացնող հուշակոթողին:
13 Հոկտեմբեր 2022
Հոկտեմբերի 9-ից 11-ը Արցախի թեմի, ՀՀ Գիտությունների ազգային ակադեմիայի և Արցախի գիտական կենտրոնի համատեղ նախաձեռնությամբ Ստեփանակերտում կազմակերպվել է գիտաժողով՝ «Արցախի հոգևոր ու մշակութային ժառանգության պաշտպանության խնդիրներն ու վտանգները» խորագրով: Գիտաժողովին մասնակցել և զեկուցումներով հանդես են եկել մի քանի տասնյակ հայ և օտարազգի գիտնականներ ու հետազոտողներ արտերկրից, ՀՀ-ից ու Արցախից: Գիտաժողովի նպատակն էր ադրբեջանական կեղծարարության ընդդեմ ներկայացնել գիտականորեն փաստարկված, հանրամատչելի ու նաև օտարալեզու ընթերցողին հասանելի գիտական արտադրանք Արցախի վերաբերյալ:
12 Հոկտեմբեր 2022
ԱրՊՀ հոգեբանական կենտրոնը հոկտեմբերի 11-ին նախաձեռնել է կլոր սեղան-քննարկում՝ նվիրված հոգեկան առողջության համաշխարհային օրվան: Քննարկմանը մասնակցում էին հոգեբան մասնագետներ, դասախոսներ և ուսանողներ:
11 Հոկտեմբեր 2022
Երևանի պետական համալսարանի Ուսանողական գիտական ընկերությունը հոկտեմբերի 3-ից 7-ը կազմակերպել է միջազգային 8-րդ երիտասարդական գիտաժողովը՝ նվիրված ԵՊՀ ՈՒԳԸ 75-ամյակին:
Գիտաժողովն ուսանողներին, ասպիրանտներին և երիտասարդ գիտնականներին հնարավորություն է ընձեռել ակադեմիական լսարանին ներկայացնելու իրենց գիտական հետազոտության արդյունքները, կատարելագործելու գիտական աշխատանք կատարելու հմտությունները, ինչպես նաև կապեր հաստատելու Հայաստանի և արտերկրի երիտասարդ հետազոտողների հետ:
10 Հոկտեմբեր 2022