Արցախի պետական համալսարան
Ապրիլի  16-ից 18-ը  Աղվերանում   կայացել  է Միջազգային  մարդասիրական  իրավունքի  թեմայով ազգային դատախաղ-մրցույթ: Մրցույթին  մասնակցել  և  առաջին  մրցանակային  տեղ  է  զբաղեցրել   ԱրՊՀ  թիմը, որի կազմում ընդգրկված էին «Իրավագիտություն» մասնագիտության 4-րդ կուրսի ուսանողներ: Դատախաղը  կազմակերպվել  էր  Կարմիր   Խաչի   միջազգային   կոմիտեի  կողմից, որին  մասնակցել  են  թիմեր ՀՀ  վեց  բուհերից   և Արցախի  պետական  համալսարանից:
Ապրիլի 19-ին տեղի է ունեցել ԱրՊՀ ռեկտորատի նիստ, որի ընթացքում քննարկվել են ուսումնական գործընթացին վերաբերող հարցեր, կայացել պարգևատրման արարողություն։
Ապրիլի 5-ից 11-ը կայացավ «Քաթըլիսթ» հիմնադրամի կողմից իրականացված «Startup Boost Week Vol7» միջոցառումը, որին մասնակցել է նաև ԱրՊՀ-ն։
Ապրիլի 16 -ին հուշարձանների և տեսարժան վայրերի պահպանության միջազգային օրվան ընդառաջ ԱրՊՀ մի խումբ ուսանողներ սանմաքրման և բարեկարգման աշխատանքներ են իրականացրել Ծաղկաշատ և Ռև համայնքների հուշարձանների և հանրային նշանակության տարածքներում։
Հուշարձանների և տեսարժան վայրերի միջազգային օրվան ընդառաջ ԱՀ ԿԳՄՍ նախարարության նախաձեռնությամբ ապրիլի 16-ին Ստեփանակերտի Սուրբ Աստվածամոր Հովանի մայր տաճարի բակում տեղի է ունեցել բողոքի ակցիա՝ ընդդեմ պատերազմի հետևանքով հայկական պատմամշակութային հուշարձանների նկատմամբ տեղի ունեցող ոճրագործությունների: Բողոքի ցույցին մասնակցում էին նաև ԱրՊՀ ուսանողներ և դասախոսներ:
Ապրիլի  16-ին  Արցախի  պետական  համալսարանի  պատմության  և  իրավագիտության  ֆակուլտետում  կազմակերպվել  է «Պատմամշակութային  արժեքների  պահպանության  հարցը» թեմայով կլոր սեղան-քննարկում, որը  նախաձեռնել  են  «Իրավագիտություն» մասնագիտության  առաջին  կուրսի  ուսանողները: Քննարկմանը  մասնակցել  են  ֆակուլտետի  դեկան Ա. Խաչատրյանը, պատմության  և  քաղաքագիտության  ամբիոնի  վարիչ  Ն. Սարումյանը, ամբիոնից  դասախոսներ   և   ուսանողներ:
Այսօր՝  ապրիլի  15-ին, ոչ   ֆորմալ  կրթության  շրջանակում  ԱրՊՀ ուսանողության   հետ  հանդիպում  է  ունեցել   ԱՀ  նախագահի  աշխատակազմի  ղեկավարի  առաջին  տեղակալ, միջազգային  զարգացման մասնագետ    Դավիթ  Հակոբյանը: Միջոցառմանը  ներկա  են  եղել  տարբեր  ֆակուլտետներից  ուսանողներ: ԱրՊՀ  ռեկտոր  Ա. Սարգսյանը  ներկայացրել  է  բանախոսին   և  շնորհակալություն  հայտնել  ուսանողության  հետ  հանդիպելու  համար:
ԱրՊՀ  բանասիրական  ֆակուլտետի  ուսանողական   գիտական  ընկերության  նախաձեռնությամբ  կազմակերպվեց առցանց հանդիպում արդի գրող Դավիթ Սամվելյանի հետ։ Հանդիպմանը մասնակցել  են գրականության և ժուռնալիստիկայի ամբիոնի վարիչ Նոնա Դավթյանը, ամբիոնից  դասախոսներ, ուսանողներ ինչպես բանասիրական, այնպես էլ բնագիտական, պատմության  և  իրավագիտության ֆակուլտետներից:
Ապրիլի  15-ին  Արցախի  պետական  համալսարանում  նշվել  է   աշխարհահռչակ  գիտնական, լեզվաբան, անվանի  մանկավարժ, ակադեմիկոս   Հրաչյա  Աճառյանի  145-ամյակը: Միջոցառումը  նախաձեռնել  է  ակ. Ս. Աբրահամյանի   անվան  հայոց  լեզվի  ամբիոնի  դասախոս, բ.գ.թ., դոցենտ   Նունե Խաչատրյանը՝  «Հայոց  լեզու  և  գրականություն»  մասնագիտության  3-րդ  կուրսի  ուսանողների  մասնակցությամբ: Միջոցառմանը  ներկա  են  եղել  ֆակուլտետի  դեկան  Լ. Մարգարյանը, ամբիոնի  վարիչ  Հ. Ղազարյանը, ամբիոնից  դասախոսներ  և  ֆակուլտետի  տարբեր  կուրսերից   ուսանողներ:
Ապրիլի  14-ին  Արցախի  պետական  համալսարանում  նշվել  է  Համո  Սահյանի ծննդյան 107-ամյակը: Գրական-գեղարվեստական  միջոցառումը  կազմակերպվել  է  բ.գ.թ., դոցենտ   Զարինե   Սառաջյանի  նախաձեռնությամբ՝  «Հայ  գրականության  պատմություն» մասնագիտացման  մագիստրատուրայի  առաջին  կուրսի  ուսումնական  ծրագրում  ընդգրկված  «Համո  Սահյանը  և  պանթեիզմը»  դասընթացի  շրջանակում:
1 2 3 4 5 6 7 8 9 10 11 12 13 14 15 16 17 18 19 20 21