Արցախի պետական համալսարան
Մարտի  19-ին   Արցախի  պետական   համալսարանում  կայացել  է  գիտխորհրդի  նիստ, որի  ընթացքում քննարկվել  և հաստատվել են  ուսումնական  գործընթացին, կառավարմանը  վերաբերող  մի  շարք  հարցեր  ու կարգեր:  Նախքան  գիտխորհրդի  օրակարգային  հարցերին   անցնելը՝  ռեկտոր  Ա. Սարգսյանը  համալսարանի  պրոֆեսորադասախոսական  կազմի  և  ուսանողության  անունից   շնորհավորել  է  պ.գ.թ., դոցենտ   Վարդգես  Սաֆարյանին   70-ամյակի   առթիվ՝  շնորհելով  նրան  ԱրՊՀ  50–ամյակին  նվիրված  հուշամեդալ  և  արժանացնելով  դրամական  պարգևի:
Արցախի պետական համալսարանի գիտական խորհրդի որոշմամբ տպագրվել է «Արցախի ժողովրդագիտությունը» մատենաշարի չորրորդ հատորը՝ «Արցախի ժողովրդագիտությունը.Ազգագրություն»՝ աշխատասիրությամբ և ընդհանուր խմբագրությամբ բ.գ.թ., դոցենտ, ԼՂՀ գիտության վաստակավոր գործիչ Արմեն Սարգսյանի:
Մարտի  17-ին  Արցախի  պետական  համալսարանի  պատմության  և  իրավագիտության  ֆակուլտետի  պատմության  և  քաղաքագիտության  ամբիոնի  վարիչ,  պ.գ.թ., դոցենտ  Ն. Սարումյանի  նախաձեռնությամբ   կազմակերպվել  է  կլոր սեղան-քննարկում՝  «Մոսկվայի  և  Կարսի պայմանագրերի  պատմական, իրավական  կողմերը  և  արդիականացումը»: Կլոր  սեղան-քննարկմանը  ներկա  են  եղել  ֆակուլտետի  դեկան  Ա. Խաչատրյանը, իրավունքի  ամբիոնի  վարիչ  Գ. Արզումանյանը, ամբիոններից դասախոսներ  և  ուսանողներ:
Պոեզիայի միջազգային օրվան  ընդառաջ բանասիրական  ֆակուլտետի  ուսանողական  խորհուրդը  կազմակերպել  է  հերթական  ինտելեկտուալ-խաղ  մրցույթը, որն ընդգրկում էր հարցեր գրականությունից: Մրցութային  հարցերը  կազմվել  են  հայ  մեծանուն  գրողներ  Ավ. Իսահակյանի  և  Հ. Շիրազի   պոեզիայից:
Այսօր   Արցախի   պետական   համալսարանի   պատմության  և  իրավագիտության  ֆակուլտետի  «Իրավագիտություն»  մասնագիտության  ուսանողները   դասախոսություն-քննարկում  են  անցկացրել  Ստեփանակերտի   Վ. Ջհանգիրյանի  անվան  N11  ավագ  դպրոցի աշակերտների  հետ: Քննարկման  թեման  էր  «Մոսկվայի  և  Կարսի  պայմանագրերի  պատմաիրավական  կողմերը»: Միջոցառումը  կազմակերպվել է ֆակուլտետի  ուսանողական խորհրդի  նախաձեռնությամբ   և  իրավունքի  ամբիոնի   աջակցությամբ:
Մարտի  16-ին  Արցախի  պետական  համալսարանի  բնագիտական  ֆուկուլտետի  ուսանողները   նշեցին  «π»  թվի  միջազգային օրը՝  աշխարհում  նշվող  ամենաարտասովոր  տոներից  մեկը: Միջոցառումը  նախաձեռնել  էր   ֆակուլտետի  ուսանողական  գիտական  ընկերության   նախագահ  Ալիսիա  Դադայանը, որին  հրավիրված  էին  նաև  մաթեմատիկայի  ամբիոնից  դասախոսներ  և  ուսանողներ:
Մարտի  15-ին  Արցախի  պետական  համալսարանում  դասախոսությամբ  հանդես  են  եկել  բ.գ.դ., պրոֆեսոր  Դավիթ  Գասպարյանն  ու   պ.գ.թ., դոցենտ  Գագիկ  Սաֆարյանը: Դասախոսության   թեման  առնչվում  էր   100  տարի  առաջ  կնքված  Մոսկվայի պայմանագրին:
ԱրՊՀ դասախոս, բ.գ.դ., պրոֆեսոր, ԼՂՀ գիտության վաստակավոր գործիչ, բանաստեղծ  Սոկրատ Խանյանի «Կրակ չէ` ինչ է» գիրքը «Պոեզիա»  անվանակարգում արժանացել է ՀՀ գրողների միության  «Հրանտ և Մանուշակ  Սիմոնյաններ» մրցանակաբաշխության մրցանակի:
Հրատարակվել է ԱրՊՀ 2019-2020 ուսումնական տարվա գործունեության հաշվետվությունը: Այն արտացոլում է ԱրՊՀ գործունեության գրեթե բոլոր բնագավառները, ոլորտներն ու հիմնախնդիրները:
Կանանց միջազգային օրվա առթիվ մարտի 8-ին  ԱրՊՀ  մանկավարժության  և   սպորտի  ֆակուլտետի  ՈՒԳԸ   նախաձեռնությամբ  կազմակերպվել  է «Կանանց միջազգային   օրվա   խորհուրդն  ու   կարևորությունը  հետպատերազմյան  շրջանում» խորագրով միջոցառում:
1 2 3 4 5 6 7 8 9 10 11 12 13 14 15 16 17 18 19 20 21