Սեպտեմբերի 21-ին Արցախի պետական համալսարանում դասախոսությամբ հանդես է եկել ԵՊՀ միջազգային հարաբերությունների ֆակուլտետի քաղաքական գիտության պատմության և տեսության ամբիոնի պրոֆեսոր, փ.գ.դ. Հենզել Մանուչարյանը: Նախքան դասախոսության մեկնարկը՝ Հ. Մանուչարյանը հանդիպել է համալսարանի ռեկտոր Արմեն Սարգսյանի հետ: Ռեկտորը շնորհակալություն է հայտնել նրան՝ ԱրՊՀ այցելելու և Արցախի մայր բուհի հետ համագործակցելու, ուսումնամեթոդական աջակցություն ցուցաբերելու համար:
21 Սեպտեմբեր 2021
Սեպտեմբերի 16-ից 20-ը Արցախի պետական համալսարանի ՈՒՀՏԱԿ բաժնի և ՈՒԽ համատեղ ջանքերով կազմակերպվել է միջֆակուլտետային ֆուտբոլի մրցույթ: Մրցույթին մասնակցել են համալսարանի չորս ֆակուլտետներից հավաքական թիմեր: Ընդհանուր արդյունքներով թիմային մրցապայքարում առաջին մրցանակային տեղ է զբաղեցրել մանկավարժության և սպորտի ֆակուլտետի թիմը՝ արժանանալով «ԱրՊՀ գավաթ» մրցանակի: Երկրորդ և երրորդ մրցանակային տեղերն են զբաղեցրել համապատասխանաբար բնագիտական, պատմության և իրավագիտության ֆակուլտետների թիմերը:
21 Սեպտեմբեր 2021
ԵՊՀ պատվիրակությունը սեպտեմբերի 17-ին երկօրյա այցով գտնվում էր Արցախում: Այցի ընթացքում պատվիրակությունը՝ ռեկտորի ժ.պ. Հովհաննես Հովհաննիսյանի գլխավորությամբ, հանդիպեց ԱրՊՀ ռեկտոր Արմեն Սարգսյանի հետ։
21 Սեպտեմբեր 2021
Սեպտեմբերի 20-ից 23-ը ԱՀ Ազգային ժողովի, ԿԳՄՍ նախարարության և ՀՀ ԳԱԱ նախաձեռնությամբ կազմակերպվում է միջազգային գիտաժողով ՝ նվիրված Արցախի Հանրապետության և Հայաստանի (երրորդ) Հանրապետության հռչակման 30-րդ տարեդարձին: Գիտաժողովի լիագումար նիստը մեկնարկել է սեպտեմբերի 20-ին ԱՀ ԱԺ նիստերի դահլիճում, որից հետո աշխատանքները շարունակվել են մասնախմբերում: Գիտաժողովի մասնախմբային նիստ է կայացել նաև Արցախի պետական համալսարանում, որին ներկա էին նաև բուհի ուսանողներ: Մասնախմբային նիստը նախագահել են ԵՊՀ մշակութաբանության ամբիոնի վարիչ, պ.գ.դ., պրոֆեսոր Համլետ Պետրոսյանը և ԱրՊՀ պատմության և իրավագիտության ամբիոնի ավագ դասախոս Լեռնիկ Հովհաննիսյանը: Գիտաժողովի ընթացքում մասնակիցները հանդես են եկել զեկույցներով, որոնք վերաբերում էին ԱՀ և ՀՀ պատմությանն ու մշակույթին:
21 Սեպտեմբեր 2021
ԵՊՄՀ հոգեբանության ամբիոնի դոցենտ Մարինե Միքայելյանի և ԱրՊՀ հոգեբանական կենտրոնի համատեղությամբ մեկնարկել է ծրագիր, որի նպատակն է հոգեբանական հետազոտություն-ուսումնասիրություն կատարել 6-ից 15 տարեկան այն երեխաների շրջանում, ովքեր այս կամ այն չափով տուժել են պատերազմից, և նպաստել առկա հոգեբանական խնդիրների լուծման ուղղությամբ ուղիներ գտնելուն: Ծրագրի բաղկացուցիչ բաղադրիչներից է մանկական հոգեբան-մասնագետի կողմից մշակված «Արի զբոսնենք» խորագրով տետրը, որը Արցախում ադապտացվում է ԱրՊՀ «Հոգեբանություն» մասնագիտության 2-րդ կուրսի ուսանողների, մանկավարժության և հոգեբանության ամբիոնի ասպիրանտ և դասախոս Մարիամ Գասպարյանի միջնորդությամբ: Այդ աշխատանքներում ընդգրկվել են նաև Շուշիի Դանիել Ղազարյանի անվան միջնակարգ երաժշտական մասնագիտացված դպրոցի սաները:
17 Սեպտեմբեր 2021
Արցախի պետական համալսարան է այցելել «Պոլ Էլյուարի տուն ֆրանկոֆոնիայի կենտրոն» հիմնադրամի շենքի բացման առիթով Արցախի Հանրապետությունում գտնվող Ֆրանսիայի Մարտիգ քաղաքի «Ֆրանս-հայկական ասոցիացիայի» պատվիրակությունը՝ նախագահ Գրեգորի Մանասյանի գլխավորությամբ, և հանդիպում ունեցել ԱրՊՀ ռեկտոր Արմեն Սարգսյանի հետ: Այցը բարեգործական ծրագրի շրջանակում էր, որի ընթացքում պատվիրակությունը ԱրՊՀ-ին է նվիրել տեսապրոյեկտոր և այլ սարքավորումներ: Այցի նպատակն էր նաև ծանոթանալ բուհում առկա խնդիրներին և հնարավոր քայլեր ձեռնարկել դրանց լուծման ուղղությամբ:
16 Սեպտեմբեր 2021
Սեպտեմբերի 14-ին Արցախի պետական համալսարանի բնագիտական ֆակուլտետի առաջին կուրսերի ուսանողների հետ անց են կացվել իրազեկման աշխատանքներ: Հանդիպմանը ներկա են եղել ՈՒՇՀՀՏԱԳ պրոռեկտոր Վ. Յարամիշյանը, ֆակուլտետի դեկան Վ. Միրզոյանը, լրատվության և հանրային կապերի բաժնի պետ Զ. Սառաջյանը, ՈՒՀՏԱ և Կ բաժնի պետ Վ. Գալոյանը և ուսանողական ինքնավար կառույցների ղեկավարները:
14 Սեպտեմբեր 2021
Սեպտեմբերի 13-ին ԱրՊՀ բնագիտական ֆակուլտետում կազմակերպվել է միջֆակուլտետային ինտելեկտուալ խաղ-մրցույթ՝ նվիրված ծրագրավորողների միջազգային օրվան:
13 Սեպտեմբեր 2021
ԱրՊՀ -ում շարունակվում է «Իրազեկ ուսանող» ծրագիրը: Բանասիրական ֆակուլտետի առաջին կուրսեցիների հետ հանդիպում ունեցան ԱրՊՀ ՈՒՇՀՀՏԱԳ պրոռեկտոր Վիտյա Յարամիշյանը, ստորաբաժանումների ղեկավարներ, ուսանողական ինքնավար կառույցների ղեկավարներ: Առաջին կուրսեցիները հնարավորություն ստացան բարձրացնել իրենց հուզող հարցերը և լսել սպառիչ պատասխաններ, ծանոթանալ համալսարանական առօրյաին, ստանալ ուսումնական գործընթացի համար անհրաժեշտ տեղեկատվություն։
08 Սեպտեմբեր 2021
Սեպտեմբերի 3-ին աշխատանքային այցով ԱրՊՀ-ում էր ՀՀ Խ. Աբովյանի անվան հայկական պետական մանկավարժական համալսարանի կրթության էլեկտրոնային կառավարման բաժնի պետ Անուշ Սարգսյանը, ով միաժամանակ հանդիսանում է ԱրՊՀ Google for Education համակարգողը:
07 Սեպտեմբեր 2021